Back Super Rugby 2012 German 2012 Super Rugby season English Súper Rugby 2012 Spanish Saison 2012 de Super Rugby French Super Rugby 2012 Galician Super Rugby 2012 Italian Супер рагби 2012. Serbian
| 2012 Superrugby | |
| |
Amptelike logo
| |
| Deelnemende lande |  Australië Suid-Afrika Nieu-Seeland
|
|---|---|
| Kampioen | Chiefs (1ste titel) |
| Wedstryde gespeel | 125 |
| Drieë gedruk | 606 (gem. 4.848 per wedstryd) |
| Meeste punte aangeteken | 251 Aaron Cruden (Chiefs) |
| Meeste drieë gedruk | 10 André Taylor (Hurricanes) 10 Bjorn Basson (Bulls) |
Die 2012 Superrugbyseisoen het in Februarie 2012 afgeskop met voorseisoenwedstryde wat van middel Januarie gespeel is. Dit was die tweede seisoen van die vergrote 15-spantoernooi en die 17de van die rugbykompetisie tussen provinsiale spanne van die suidelike halfrond. Daar is elke naweek van 24 Februarie tot 14 Julie wedstryde gespeel (met ’n drie week breuk tussen rondtes 15 en 16 vir internasionale wedstryde) en die eindwedstryd is op 4 Augustus gespeel.
Die kompetisie is oor 21 weke beslis met ’n totaal van 125 wedstryde wat gespeel is. Dit het begin met drie groepe van vyf spanne wat volgens lande ingedeel is (daar is dus ’n Australiese, Nieu-Seelandse en Suid-Afrikaanse groep). Met die nuwe formaat bestaan die seisoenwedstryde uit twee tipes wedstryde, nl.:
- Intergroepwedstryde – Elke span speel tweekeer teen elk van die ander spanne in die groep in tuis- en wegwedstryde. (Sien onderstaande tabelle vir groepe)
- Tussengroepwedstryde – Elke span speel teen vier van die spanne van die ander twee groepe waarvan vier wedstryde tuis was en vier wedstryde weg. Daar was dus teen een span van elke ander groep nié gespeel nie.
Die boonste span in elke groep, asook die volgende drie spanne op die algehele punteleër ongeag hul plek in die groep, het in die uitspeelwedstryde gespeel.[1] Die boonste twee groepwenners (op die basis van die algehele punteleër) het die eerste ronde van die uitspeelwedstryde ’n loslootjie gekry. In die eerste ronde van die uitspeelwedstryde was die derde groepwenner nommer drie met ’n tuiswedstryd teen die span wat sesde op die algehele punteleër geëindig het. Die span wat vierde was op die algehele punteleër het dan in ’n tuiswedstryd uitgespeel teen die span wat vyfde was. In die halfeindrondes het die tweede groepwenner uitgespeel teen die span wat in die eerste uitspeelronde gewen het en die hoogste op die punteleër was. Die eerste groepwenner het dan teen die ander uitspeelrondewenner gespeel. Die eindronde was ’n tuiswedstryd vir die span wat die hoogste op die algehele punteleër geëindig het.[2]
- ↑ "Superrugby: Groepe" (in Engels). Australiese Rugbyunie. Geargiveer vanaf die oorspronklike op 27 April 2011. Besoek op 13 September 2010.
- ↑ "Superrugby: Formaat van uitspeelwedstryde" (in Engels). Australiese Rugbyunie. Geargiveer vanaf die oorspronklike op 2 Mei 2011. Besoek op 13 September 2010.