Back بطولة الرجبى 2019 ARZ The Rugby Championship 2019 German 2019 Rugby Championship English The Rugby Championship 2019 Spanish 2019ko The Rugby Championship Basque The Rugby Championship 2019 French The Rugby Championship 2019 Italian ザ・ラグビーチャンピオンシップ2019 Japanese The Rugby Championship 2019 Polish Куп четири нације 2019. Serbian
 Kenteken van die Rugbykampioenskap | |
| Datums | 20 Julie - 10 Augustus |
|---|---|
| Kampioen |  Suid-Afrika (4 titels) |
| Wedstryde gespeel | 6 |
| Drieë gedruk | 30 (5 per wedstryd) |
| Bywoning | 236 449 (39 408 per wedstryd) |
| Meeste punte |  Handré Pollard (42) |
| Meeste drieë |  Reece Hodge Herschel Jantjies (3 elk) |
← 2018 2020 → | |
Die 2019-Rugbykampioenskapsreeks was die agtste jaarlikse rugbytoernooi tussen die nasionale spanne van Argentinië, Australië, Suid-Afrika en Nieu-Seeland. Die kompetisie word bedryf deur SANZAAR, ’n gesamentlike onderneming van die vier lande se nasionale rugbyunies. Die spanne is onderskeidelik die Pumas, Springbokke, Wallabies en die All Blacks.
Die toernooi het op 20 Julie afgeskop met Suid-Afrika teen Australië en Argentinië as gasheer vir Nieu-Seeland, en geëindig op 10 Augustus; vroeër en korter as in 2018, omrede die Rugbywêreldbeker nog ingepas moes word. Suid-Afrika het die toernooi vir die vierde keer gewen. Nieu-Seeland het die Bledisloebeker ingepalm en die Vryheidsbeker gewen, terwyl Suid-Afrika met die Mandela Uitdaagplaat en Australië met die Poematrofee weggestap het.