Back حفل توزيع جوائز الأوسكار التاسع والعشرون Arabic Premios Óscar de 1956 AST Награди „Оскар“ (29-а церемония) Bulgarian Premis Oscar de 1956 Catalan ٢٩یەمین خەڵاتەکانی ئۆسکار CKB Oscaruddelingen 1957 Danish Oscarverleihung 1957 German Βραβεία Αμερικανικής Ακαδημίας Κινηματογράφου 1956 Greek 29th Academy Awards English 29.ª edición de los Premios Óscar Spanish
 29ste Oscar-toekenningsaand
| ||
| Datum | 27 Maart 1957 | |
| Plek | Pantages Theatre, Hollywood NBC Century Theatre, New York | |
| Aanbieder | Jerry Lewis, Celeste Holm | |
| Pryse & benoemings | ||
| Beste rolprent | Around the World in Eighty Days | |
| Meeste pryse | Around the World in Eighty Days en The King and I (5 elk) | |
| Meeste benoemings | Giant (10) | |
Die 29ste Oscar-toekenningsaand is op 27 Maart 1957 deur die Academy of Motion Picture Arts and Sciences in Hollywood en New York gehou om erkenning te gee aan die rolprente van 1956.
In dié jaar is ’n kategorie ingestel vir beste buitelandse rolprent in plaas daarvan dat ’n spesiale prys daaraan toegeken is. Die eerste wenner was Federico Fellini se La strada, met Anthony Quinn. Dit is ook benoem vir beste oorspronklike draaiboek. Dit was ook die eerste jaar dat al vyf benoemings vir beste rolprent kleurprente was.
Al die groot pryswenners was epiese prente soos Around the World in Eighty Days, The King and I, Anastasia, Giant, The Ten Commandments en War and Peace. Dit was ’n neiging wat in die jare daarna volgehou is.
James Dean is die enigste akteur tot op datum wat ’n tweede nadoodse benoeming vir beste akteur gekry het: vir sy spel in Giant.
Dit was slegs die tweede keer sedert die instelling van die kategorieë beste manlike en vroulike byspeler dat die Oscars vir beste rolprent en regisseur en al vier die akteurspryse deur ses verskillende prente gewen is. Dit sou eers weer op die 78ste Oscar-toekenningsaand in 2006 gebeur.