AB III

AB III is die derde ateljee-album deur die Amerikaanse rockgroep Alter Bridge, wat op 8 Oktober 2010 vrygestel is. Die album is geproduseer deur Michael Baskette, en is 'n afwyking van die groep se eerste twee albums; liries gesproke is dit 'n los konsepalbum wat handel oor donkerder liriese temas van worsteling met geloof, terwyl musikaal die album se klank meer dinamies en progressief is as vorige opnames. AB III is ook die eerste Alter Bridge-album wat op Roadrunner Records vrygestel word, wat dit die groep se derde agtereenvolgende album maak wat op 'n ander etiket vrygestel word.

Die eerste enkelsnit van die album, "Isolation", is die groep se suksesvolste enkelsnit tot nog toe en is op 26 September 2010 in die Verenigde Koninkryk en 9 November 2010 in die Verenigde State vrygestel. AB III het lof van musiekresensente ontvang; Artistdirect het dit byvoorbeeld 'n "meesterstuk" genoem. Die album is as Silwer gesertifiseer deur die British Phonographic Industry, dieselfde sertifisering as Alter Bridge se 2007-album Blackbird.

1. ↑ Verwysingfout: Invalid <ref> tag; no text was provided for refs named ug
2. ↑ Verwysingfout: Invalid <ref> tag; no text was provided for refs named sputnikmusic