Afronding (Wiskunde)

In wiskunde verwys gewone afronding na die proses waarmee 'n getal vervang word met sy naaste heelgetal. Dus word 6,3 afgerond na 6 toe en 4,8 is afgerond 5. 'n Spesiale geval is as die syfer direk na die desimale komma 'n 5 is, en dan word daar altyd opgerond: 1,5 word 2.

Daar is verskeie ander tipes afronding:

• Desimale afronding is waar mens tot die naaste getal met 'n sekere aantal desimale plekke afrond.
• Afronding na bo gee die naaste heelgetal wat groter is (2,01 word 3).
• Afronding na onder gee die naaste heelgetal wat kleiner is (2,95 word 2).