Alaholfinger

Die Alaholfinger (ook Ahalolfinger of Bertholde) was 'n familie uit die Swabiese adel in die tyd van die Karolingers met besittings veral in die bolope van die Neckar en die Donau. Buite hierdie magsfeer verskyn lede van die Alaholfinger-familie as amptsdraers in Beiere, Franke en Italië, en ook as markgrawe van Friuli en hertoë van Verona.

Die mees bekende Alaholfinger is die Swabiese hertog Berthold en sy seuns Erchanger en Berthold. Erchanger is in die jaar 917 tereggestel nadat hy die titel van Hertog van Swabe verkry het, en dan teen koning Konrad I in opstand gekom het. Die verwandskap tussen hierdie jonger geslag Alaholfinger en die ander lede van die familie is egter nie duidelik nie.

Dit is nie duidelik wat van die Alaholfinger familie geword het nie. Deels word vermoed  dat die manlike lyn reeds teen die jaar 973 uitgesterf het, en deels dat die Zähringer-familie uit 'n tak van die Alaholfinger ontwikkel het.