Beslanskool-gyselaardrama

Die Beslanskool-gyselaardrama, ook bekend as die Beslan-slagting, ^[1][2] was ’n voorval waartydens meer as duisend mense in Rusland drie dae lank as gyselaars aangehou is. Meer as 300 mense is eindelik dood.

Dit het begin toe ’n groep gewapende militante, die meeste van Ingoesjetië en Tsjetsjnië, sowat 1 100 mense, onder wie 777 kinders, op 1 September 2004 by Skool Nommer Een in die dorp Beslan in Noord-Ossetië gevange geneem het. Die groep rebelle is gestuur deur die Tsjetsjniese rebelleleier Sjamil Basajef, wat geëis het dat die tweede Tsjetsjniese Oorlog beëindig word.

Op die derde dag van die drama het Russiese veiligheidsmagte die skool bestorm met tenks, vuurpyle en ander swaargeskut.^[3] ’n Reeks ontploffings het die skool geskud, gevolg deur ’n brand wat deur die gebou versprei het en ’n chaotiese skietery tussen die rebelle en die Russiese veiligheidsmagte. Minstens 334 mense, onder wie 186 kinders, is eindelik in die voorval dood^[4][5] en honderde ander is beseer of is as vermis aangemeld.

1. ↑ Beslan mothers' futile quest for relief, BBC News, 4 Junie 2005
2. ↑ Beslan School Massacre One Year Later, VSA-departement van buitelandse sake, 31 Augustus 2005
3. ↑ The Truth About Beslan. What Putin's government is covering up Geargiveer 20 Mei 2011 op Wayback Machine, deur David Satter, The Weekly Standard, 11/13/2006, Volume 012, Uitgawe 09
4. ↑ "Woman injured in 2004 Russian siege dies" (in Engels). The Boston Globe. 8 Desember 2006. Geargiveer vanaf die oorspronklike op 3 Julie 2009. Besoek op 9 Januarie 2007.
5. ↑ "Putin meets angry Beslan mothers" (in Engels). BBC News. 2 September 2005. Geargiveer vanaf die oorspronklike op 4 September 2017. Besoek op 28 Julie 2006.