Bora Bora

Bora Bora
’n Nasa-foto van Bora Bora en sy lagune
Geografie
Ligging	Stille Oseaan
Koördinate	16°29′40″S 151°44′11″W / 16.49444°S 151.73639°W / -16.49444; -151.73639
Argipel	Geselskapseilande
Oppervlakte	30,55 vk km
Hoogste punt	Berg Otemanu 727 m
Administrasie
Frankryk
Oorsese gebied	Frans-Polinesië
Grootste stad	Vaitape (4 927)
Demografie
Bevolking	10 605 (soos op 2017)

Bora Bora is ’n eiland in die groep Benedewindse Eilande (Îles Sous-le-Vent) van die Geselskapseilande in Frans-Polinesië in die Stille Oseaan. Dit beslaan ’n gebied van sowat 30 km².

Die eiland, sowat 230 km noordwes van Papeete, word omring deur ’n lagune en koraalrif. In die middel van die eiland is die oorblyfsels van ’n uitgewerkte vulkaan wat twee pieke vorm: Berg Pahia en Berg Otemanu (op 727 m die hoogste punt).

Bora Bora is ’n groot toeristebestemming en bekend vir sy wateromringde luukse-oorde.^[1][2] Die grootste nedersetting, Vaitape, is aan die eiland se westekant geleë. Die belangrikste produkte word uit die see en van die talryke palmbome vervaardig. Volgens 'n 2017-sensusberaming het die eiland 10 605 bewoners.

1. ↑ "Complete Reconstruction Scheduled for Hotel Bora Bora". Geargiveer vanaf die oorspronklike op 16 Februarie 2015. Besoek op 15 Februarie 2015.
2. ↑ "The St. Regis Bora Bora Resort" (in Italiaans). boraboraallinclusiveguide.com. Geargiveer vanaf die oorspronklike op 9 Oktober 2019. Besoek op 22 Augustus 2014.