Fon (taal)

Fon fɔ̀ngbè
Uitspraak:	[fɔ̃̀ɡ͡bē]
Gepraat in:	Benin  Nigerië  Togo
Gebied:	Wes-Afrika
Totale sprekers:	1,9 miljoen[1]
Taalfamilie:	Niger-Kongo  Volta-Kongo   Volta-Niger    Left Bank     Gbe      Fon
Skrifstelsel:	Latynse alfabet
Taalkodes
ISO 639-1:	geen
ISO 639-2:	fon
ISO 639-3:	fon
Nota: Hierdie bladsy kan IFA fonetiese simbole in Unicode bevat.

Fon (fɔ̀ngbè, [fɔ̃̀ɡ͡bē]) is 'n Niger-Kongo-taal in Wes-Afrika wat deur sowat 1,9 miljoen mense gepraat word. Dit word deur die Fon-volk gepraat en is veral in die suide van die lande Benin, Nigerië en Togo versprei.

Fon behoort tot 'n groep van verwante tale, die Gbe-tale, wat in die weste deur die Voltarivier begrens word en oor die suide van die lande Ghana, Togo, Benin en Nigerië langs die kus van die Bog van Benin streek. Hierdie Gbe-tale vorm 'n dialekkontinuum bestaande uit Aja, Ewe, Fon, Gen en Phla-Pherá.

Fon is nes baie Afrikatale tonaal met 'n onderwerp-werkwoord-voorwerp-volgorde. Die bekendste woord is waarskynlik vodun [vodṹ] wat in Ewe en Fon "gees" of "godheid" beteken. Fon vorm saam met ander tale die grondslag waaruit Haïtiaanse Kreools ontwikkel het.^[2]

1. ↑ "Ethnologue: Languages of the World, Seventeenth edition, Fon" (in Engels). Ethnologue. Geargiveer vanaf die oorspronklike op 6 Junie 2019. Besoek op 10 Augustus 2019.
2. ↑ (en) Bonenfant, Jacques L. (2011). "History of Haitian-Creole: From Pidgin to Lingua Franca and English Influence on the Language" (PDF). Review of Higher Education and Self-Learning. 3 (11). Geargiveer (PDF) vanaf die oorspronklike op 23 Maart 2015. Besoek op 10 Augustus 2019. {{cite journal}}: Onbekende parameter |deadurl= geïgnoreer (hulp)