Freshlyground

Freshlyground
Agtergrondinligting
Oorsprong	Kaapstad (Suid-Afrika)
Genres	Afropop
Jare aktief	2002 — 2019
Etikette	Sony BMG Africa Freeground Records
Webwerf	freshlyground.com
Lede	Zolani Mahola Simon Attwell Peter Cohen Kyla Rose Smith Julio Sigauque Josh Hawks Aron Turest-Swartz

Freshlyground is 'n Suid-Afrikaanse musiekgroep wat in 2002 in Kaapstad tot stand gekom het. Die groeplede is afkomstig uit Suid-Afrika, Mosambiek en Zimbabwe. Freshlyground meng elemente van tradisionele Suid-Afrikaanse musiek soos kwela en Afrika-volksmusiek, asook blues, jazz en indie rock. Die voorsangeres is Zolani Mahola, en haar unieke stem is 'n groot bydraer tot die groep se unieke styl. Hulle het groot bekendheid verwerf in 2004 met hul liedjie "Doo Be Doo" in hul album "Nomvula". Zolanie Mahola die voorsangeres, Simon Attwell behartig die fluit, mbira en mondfluitjie, Peter Cohen is op die tromstel, Kyla Rose Smith speel viool en behartig agtergrondsang, Julio "Gugs" Siguaque is op die akoestiese kitaar, Josh Hawks speel die baskitaar en behartig agtergrondsang, en Aron Turest-Swartz speel die klawerbord, slaginstrumente, en sing in die agtergrond.