Groenflits

'n Groenflits en groenstraal is meteorologiese optiese verskynsel wat soms kort voor sononder of sonsopkoms voorkom. As die toestande reg is, is 'n duidelike groen kol, sigbaar vir 'n kort tydjie bo die boonste rand van die sonskyf; die groen voorkoms duur gewoonlik nie langer as twee sekondes nie. Nog meer skaars kan dit soos 'n groenflits lyk wat 'n groenstraal uitskiet vanaf die sonsondergang of sonop.

Groenflitse kom voor omdat die aarde se atmosfeer kan veroorsaak dat die sonlig in verskillende kleure skei of breek. Groenflitse is 'n groep soortgelyke verskynsels wat van effens verskillende oorsake spruit, en daarom is sommige soorte groenflitse meer algemeen as ander.^[1]

1. ↑ Young, A. (2006). "Green flashes at a glance". San Diego State University page. Besoek op 5 Maart 2009.