Janet Baker

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Janet Baker
Janet Baker in 1967
Gebore	Janet Abbott Baker 21 Augustus 1933 (1933-08-21) (91 jaar oud) Hatfield, Engeland
Beroep	Operasanger (mezzo-sopraan)
Jare aktief	1950s–1980s
Toekennings	Orde van die Metgeselle van Eer Léonie Sonning Musiek-prys

Janet Abbott Baker (gebore op 21 Augustus 1933) is 'n Engelse mezzo-sopraan wat die beste bekend is as 'n opera, konsert, en lieder sanger.^[1]

Sy word veral geassosieer met barokmusiek, vroeë Italiaanse opera, en die werke van Benjamin Britten. Sy is gedurende haar loopbaan, wat vanaf die 1950's tot die 1980's gestrek het, beskou as 'n uitstekende sang-aktrise en wyd bewonder vir haar dramatiese intensiteit, wat miskien die beste na vore getree het in haar bekende rol as Dido, die tragiese heldin van Berlioz se magnum opus, Les Troyens.^[2] Baker was as konsert-uitvoerder veral bekend om haar interpretasies van die musiek van Gustav Mahler en Edward Elgar. David Gutman, in die Gramophone-tydskrif, het haar uitvoering van Mahler se Kindertotenlieder beskryf as "intiem, byna 'n gesprek met haarself".^[3]

1. ↑ Blyth, Alan, "Baker, Dame Janet (Abbott)" in Sadie, Stanley, red.; John Tyrell; uitvoerende red. (2001). New Grove Dictionary of Music and Musicians, 2de uitg. Londen: Macmillan; ISBN 978-1-56159-239-5 (hardeband) OCLC 419285866 (eBook).
2. ↑ Janet Baker Biografie by musicianguide.com, opgespoor 12 Desember 2010. "In die middel 1960's ... het sy bekend geword om haar indrukwekkende hantering van dramatiese rolle soos dié van Dido in die Franse komponis Hector Berlioz se opera Les Troyens".
3. ↑ David S. Gutman in Gramophone, April 1995, bl. 60^{[dooie skakel]}; opgespoor 30 November 2009.