Klipdassie

Klipdassie[1]
Klipdassie by Hermanus, Wes-Kaap
Bewaringstatus
Veilig  (IUCN 3.1)[2]
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Hyracoidea
Familie:	Procaviidae
Genus:	Procavia Storr, 1780
Spesie:	P. capensis
Binomiale naam
Procavia capensis (Pallas, 1766)
verspreiding

Die klipdassie (Procavia capensis) of klipdas is 'n dassie wat wydverspreid in mesiese en dorre gebiede van suidelike en sentraal-Afrika, asook die Nabye Ooste en die kusstrook van die Rooisee voorkom. Dit is die bekendste verteenwoordiger van die dassiefamilie (Procaviidae), waarvan die voorlopers aan olifante, klaasneuse en die erdvark verwant was. Klipdassies is klein, maar frisgeboude, bruinerige diere met kort ore en merkwaardige pote met hoewe.

Die hoewe sowel as kiestande toon ooreenkomste met dié van renosters, hoewel hulle nie nouverwant is nie. Hulle leef in groot kolonies in klipperige gebiede. Hulle is plantvreters wat min water drink, wat meebring dat die urinekonsentraat baie hoog is. Die neerslag wat oorbly nadat die water uit die urine verdamp het, staan as klipsweet bekend.

1. ↑ "argiefkopie". Geargiveer vanaf die oorspronklike op 21 Mei 2011. Besoek op 1 Desember 2011.
2. ↑ Barry, R., Bloomer, P., Hoeck, H. & Shoshani, H. (2008). Procavia capensis. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 29 Desember 2008.