Labarna I

Labarna I
Silwerbak waarop Labarna genoem word.
Amp	Koning van die Hetiete
Opvolger	Hattoesili I
Vrou	Tawannanna
Kinders	Verskeie seuns

Labarna was omstreeks die 17de eeu v.C. tradisioneel die eerste koning van die Hetiete. Hy was die tradisionele stigter van die Hetitiese Ou Koninkryk (fl. omstreeks 1680(?)-'50 v.C.).^[1] Sy vrou was Tawannanna.

Sommige moderne geleerdes bevraagteken die bestaan van Labarna. Dit was ook die titel van vroeë Hetitiese heersers,^[2] soos Hattoesili I. Omdat daar so min kontemporêre verwysings na Labarna persoonlik is, meen party geleerdes die eerste Hetitoloë het 'n fout gemaak toe hulle aangeneem het "Labarna" was die persoonlike naam van 'n koning. Volgens dié teorie was die eerste labarna (in die sin van 'n titel) Hattoesili I, wat gewoonlik as die tweede labarna beskou word.^[3]

Tabarna, 'n variant van labarna, word dikwels genoem in Hattiese, Hetitiese, Horitiese en Akkadiese tekste in Hetitiese argiewe.^[4]

1. ↑ Kloekhorst, Alwin, (2020). "The Authorship of the Old Hittite Palace Chronicle (CTH 8): A Case for Anitta", in Journal of Cuneiform Studies, Volume 72 (2020)
2. ↑ Melchert, H. Craig, The Luwians, Brill, 2003, 18ff.
3. ↑ Bryce, Trevor, The Kingdom of the Hittites, Clarendon, 1998, 69
4. ↑ "Program and Schedule - Middle Eastern Studies Conference Pages". Geargiveer vanaf die oorspronklike op 16 Mei 2010. Besoek op 16 Mei 2010. "On the Origin of the Royal Title tabarna / labarna".