Llwynywermod

Llwynywermod (Wallies: Llwynywermwd), ook Llwynywormwood, is ’n landgoed in Wallis wat aan koning Charles III behoort.

Dit is geleë naby die dorp Myddfai, Llandovery, Carmarthenshire; koning Charles het dit in Maart 2007 gekoop. Die drieslaapkamer-plaashuis, wat deur Craig Hamilton Architects^[1] in ’n woning vir hom omskep is,^[2] was eers die waenhuis van die nou verwoeste 13-slaapkamer-landhuis van die Griffies-Williams-familie daar naby.

Charles en sy vrou, Camilla, het in Junie 2008 in die huis begin bly wanneer hulle Wallis besoek. Huise in die binnehof word as vakansieverblyf gebruik as hulle nie daar woon nie.^[3]

Die historikus Mark Baker het ’n boek geskryf oor die geskiedenis en restourasie van die landgoed met die naam A Royal Home in Wales: Llwynywermod.^[4] Dit is in Februarie 2008 in ’n spesiale leeromslag aan die Prins van Wallis geskenk.

1. ↑ "Craig Hamilton Architects: Llwynywermod". Geargiveer vanaf die oorspronklike op 26 September 2017. Besoek op 17 Maart 2009.
2. ↑ ""The Prince of Wales visits Llwynywermod near Myddfai"". Geargiveer vanaf die oorspronklike op 13 Mei 2008. Besoek op 17 Maart 2009.
3. ↑ "Premier Cottages". Geargiveer vanaf die oorspronklike op 3 Maart 2009. Besoek op 17 Maart 2009.
4. ↑ Baker, Mark (2008). A Royal Home in Wales: Llwynywermod. Accent Press. ISBN 978-1-906373-60-3.