Monica Seles

Monica Seles (gebore 2 Desember 1973) is 'n voormalige wêreld vroue nommer een tennisspeler wat Joego-Slawië en die Verenigde State verteenwoordig het. Sy het nege groot enkelspeltitels gewen, agt daarvan as tiener terwyl sy Joego-Slawië verteenwoordig het, en die laaste een terwyl sy die Verenigde State verteenwoordig het.

In 1990 het Seles op die ouderdom van 16 die jongste Franse Ope-kampioen ooit geword. Sy het voortgegaan om agt groot enkelspeltitels te wen voordat sy 20 geword het en was die jaareind nommer een in 1991 en 1992.

Op 30 April 1993, terwyl sy 'n wedstryd gespeel het, was sy die slagoffer van 'n aanval op die baan toe 'n obsessiewe aanhanger van haar mededinger, Steffi Graf, haar in die rug met 'n 23 cm lange mes gesteek terwyl sy tussen wedstryde gesit het. Seles het vir meer as twee jaar ná die aanval nie teruggekeer tennis toe nie.

Alhoewel sy sukses geniet het nadat sy in 1995 teruggekeer het, insluitend nog 'n groot kampioenskap by die 1996 Australiese Ope, was sy nie in staat om konsekwent haar beste tennis te produseer nie. Sy het haar laaste professionele wedstryd by die 2003 Franse Ope gespeel, maar eers in Februarie 2008 amptelik uitgetree.^[1][2][3][4]

Seles, wat deur ondersteuners as een van die beste tennisspelers van alle tye beskou word, is aangewys as een van die "30 Legends of Women's Tennis: Past, Present and Future" deur Time. Verskeie spelers en historici het verklaar dat Seles die potensiaal gehad het om die mees bekwame vroulike speler van alle tye te word as sy nie aangeval is nie. Sy is in 2009 in die International Tennis Hall of Fame opgeneem.

1. ↑ William Lee Adams (22 Junie 2011). "30 Legends of Women's Tennis: Past, Present and Future – Monica Seles". TIME. Geargiveer vanaf die oorspronklike op 25 Junie 2011. Besoek op 19 Augustus 2011.
2. ↑ Adams, Tim (4 Julie 2009). "Interview: Monica Seles". theguardian.com. Besoek op 6 Junie 2017.
3. ↑ Cronin, Matt (1 Mei 2013). "Navratilova: Seles would have won most Slams". tennis.com. Besoek op 6 Junie 2017.
4. ↑ Scott, Jonathan (30 April 2012). "20 Years Later: Remembering Monica Seles' Stabbing". Tennis.com. Besoek op 27 Mei 2017.