Back حي مونمارتر Arabic Monmartr Azerbaijani Манмартр Byelorussian Манмартр BE-X-OLD Монмартър Bulgarian Montmartre Catalan Montmartre Czech Montmartre Danish Montmartre German Μονμάρτρη Greek
.jpg)
Musée d'Orsay, Parys
Montmartre (Frans: [mɔ̃'maʁtʁ]) is 'n heuwel in die noorde van Parys wat sy naam ook aan die vroeëre dorp, wat teen sy hellings geleë was, verleen het. Die nedersetting met plaashuise en windmeule het rondom die Saint-Pierre-abdy ontstaan. Sy meule het nie net graan fyngemaal nie, maar ook die gipssteen wat in die nabygeleë groef ontgin is. Twee van die oorspronklik dertien meule, La Chapelle en Clignancourt, het bewaar gebly. Die laasgenoemde het in die 19de eeu as danskroeg en tuinrestaurant gedien en is onsterflik gemaak deur Auguste Renoir (1841−1919) se beroemde skildery Bal du moulin de la Galette wat in 1876 ontstaan het.
Nadat dié dorp saam met twee ander nedersettings, La Chapelle en Clignancourt, in 1860 by Parys ingelyf is, dra ook die 18de Paryse arrondissement of stadsdistrik aan die Seine se regteroewer dié naam.