Nelson Piquet jr.

Nelson Piquet Junior^[1] (gebore op 25 Julie 1985), volle naam Nelson Angelo Tamsma Piquet Souto Maio, ook bekend as Nelsinho Piquet, is 'n Brasiliaanse sedanmotorrenjaer en voormalige Formule Een- en Formule E-jaer waar hy kampioen was in die 2014-15 seisoen. Hy neem tans voltyds deel aan die Brasiliaanse Stock Car Pro-reeks en bestuur die nr. 33 Toyota Corolla E210 vir Motul TMG Racing.

Hy is die seun van die driemalige Formule Een-wêreldkampioen Nelson Piquet. Hy is as toetsbestuurder vir die Renault Formule Eenspan vir die 2007-seisoen onderteken, en is bevorder tot jaer vir die renspan in 2008,^[2] voordat hy halfpad deur die 2009-seisoen weggelaat is.^[3]

Nadat hy sy werk verloor het, het dit geblyk dat hy, onder instruksie van bestuurslede van die span, doelbewus by die 2008 Singapoerse Grand Prix gebots het om sy spanmaat, Fernando Alonso, te help om die wedren te wen. Die gevolglike skandaal het een van die belangrikste in motorsportgeskiedenis geword, en het uiteindelik 'n permanente einde aan Piquet Junior se loopbaan in Formule 1 gebring. Piquet het ook as naaswenner geëindig in die 2006 GP2-reeks, vierde in die 2014 Global RallyCross-kampioenskap, en sewende in die 2012 NASCAR-vragmotorreeks.

1. ↑ "Biography for Nelson Piquet Jr". IMDb.
2. ↑ "ING Renault F1 – Nelson Piquet Jr. profile" (in Nederlands). ING. Besoek op 23 September 2009.
3. ↑ "Piquet confirms Renault have dropped him". Autosport. 3 Augustus 2009.