Nieu-Seelandse nasionale krieketspan

Nieu-Seeland

Kenteken van die Nieu-Seelandse nasionale krieketspan
Bynaam	Black Caps, Kiwis
Konferensie	Nieu-Seeland Krieket (NZC)
Personeel
Toetskaptein	Tom Latham
EDI-kaptein	Mitchell Santner
T20I-kaptein	Mitchell Santner
Afrigter	Gary Stead
Geskiedenis
Toetsstatus verkry	1930
Internasionale Krieketraad (IKR)
IKR-status	Volle lid (1926)
IKR-streek	Oos-Asië-Oseanië
IKR-ranglys Tans[4] Beste rang tot dusver Toetsrang 5de 1ste (6 Januarie 2021)[1] EDI 5de 1ste (3 Mei 2021)[2] T20I 5de 1ste (4 Mei 2016)[3]
Toetswedstryde (Toetse)
Eerste toets	t Engeland op Lancasterpark, Christchurch; 10–13 Januarie 1930
Laaste toets	t Engeland op Seddonpark, Hamilton; 14–17 Desember 2024
Toetse Gespeel Gewen/Verloor Algeheel[5] 478 119/189 (24,89%) (0 gelykop, 170 onbeslis) Vanjaar[6] 0 0/0 (0 gelykop, 0 onbeslis)
Wêreldtoets- kampioenskappe	3/3 (eerste in 2019–2021)
Beste uitslag	Kampioen (in 2019–2021)
Internasionale eendagwedstryde (EDIs)
Eerste EDI	t Pakistan op Lancasterpark, Christchurch; 11 Februarie 1973
Laaste EDI	t Sri Lanka op Edenpark, Auckland; 11 Januarie 2025
EDIs Gespeel Gewen/Verloor Algeheel[7] 830 381/398 (45,99%) (7 gelykop, 44 onbeslis) Vanjaar[8] 3 2/1 (0 gelykop, 0 onbeslis)
Krieketwêreldbeker-verskynings	13/13 (eerste in 1975)
Beste uitslag	Naaswenner (in 2015 en 2019)
Kampioenetrofee-verskynings	8/8 (eerste in 1998)
Beste uitslag	Kampioen (in 2000)
Twintig20s (T20Is)
Eerste T20I	t Australië op Edenpark, Auckland; 17 Februarie 2005
Laaste T20I	t Sri Lanka op Saxton-ovaal, Nelson; 2 Januarie 2025
T20Is Gespeel Gewen/Verloor Algeheel[9] 225 114/94 (50,45%) (10 gelykop, 7 onbeslis) Vanjaar[10] 1 0/1 (0 gelykop, 0 onbeslis)
T20I-wêreldbeker-verskynings	9/9 (eerste in 2007)
Beste uitslag	Naaswenner (in 2021)
Toetsklere EDI-klere T20I-klere

Die Nieu-Seelandse nasionale krieketspan (Engels: New Zealand national cricket team), met die byname Black Caps (“swart pette”) of Kiwis, is die nasionale krieketspan wat Nieu-Seeland in toets- en kitskrieket verteenwoordig. Dit word beheer en geadministreer deur Nieu-Seeland Krieket (NZC, van Engels: New Zealand Cricket) en is ’n volle lid van die Internasionale Krieketraad (IKR) met toets-, EDI- en T20I-status. Hulle het hul eerste toets in 1930 teen Engeland in Christchurch, Nieu-Seeland, gespeel en daarmee die wêreld se vyfde toetsland geword. Die span kon eers in die 1955/56-seisoen ’n toets wen, teen Wes-Indië op Edenpark in Auckland.^[11] Hulle het hul eerste internasionale eendagwedstryd in die 1972/73-seisoen teen Pakistan in Christchurch gewen. Nieu-Seeland is tans (Januarie 2025) vyfde op die IKR-toetsranglys, vyfde op die eendagranglys en vyfde op die Twintig20-wêreldranglys.^[12][13][14]

Nieu-Seeland het tot dusver twee keer as medegasheer van ’n krieketwêreldbekertoernooi opgetree (in 1992 en 2015), in albei gevalle saam met Australië. Al is Nieu-Seeland telkens een van die gunstelingspanne om beide die krieketwêreldbeker en die T20I-wêreldbeker te verower, het dié eer hulle nog nie te beurt geval nie. Hul beste prestasie tot dusver is die eindstryd, wat die Black Caps twee keer gehaal het (in 2015 en 2019), maar hulle is deur onderskeidelik Australië en Engeland in die eindstryd verslaan. Nieu-Seeland het Suid-Afrika in die halfeindstryd van die Krieketwêreldbeker 2015 verslaan, hul eerste oorwinning in ’n wêreldbekerhalfeindstryd en sodoende vir die eerste keer in ’n wêreldbekereindstryd verskyn, maar uiteindelik teen hul trans-Tasmanse teenstanders Australië verloor.^[15] In die volgende krieketwêreldbekertoernooi in 2019 het Nieu-Seeland weer die eindstryd gehaal, maar naelskraap teen Engeland volgens aangetekende grenshoue verloor, nadat beide die wedstryd en die volgende superboulbeurt gelykop geëindig het.^{[16][17][18][19]} Twee voormalige Nieu-Seelandse spelers is in die Internasionale Krieketraad se Heldesaal opgeneem.^[20]

Nieu-Seeland het tydens die Kampioenetrofee 2000 (destyds die Uitkloptrofee genoem) sy eerste internasionale titel ingepalm. In 2021 het die Blacks Caps in die eindstryd van die Wêreldtoetskampioenskap Indië met agt paaltjies verslaan en sodoende hul tweede IKR-titel gewen. Tydens die T20I-wêreldbeker 2021 het Nieu-Seeland vir die eerste keer die eindstryd gehaal, maar hulle is deur Australië met agt paaltjies verslaan.

1. ↑ (en) "Jamieson takes six as New Zealand scale the rankings summit". Internasionale Krieketraad. 6 Januarie 2021. Besoek op 5 Februarie 2025.
2. ↑ (en) "New Zealand climb to top of the ODI rankings in annual update". Internasionale Krieketraad. 3 Mei 2021. Besoek op 5 Februarie 2025.
3. ↑ (en) "New Zealand top T20I rankings for first time". ESPNcricinfo. 4 Mei 2016. Besoek op 5 Februarie 2025.
4. ↑ (en) "ICC Rankings". Internasionale Krieketraad.
5. ↑ (en) "Test matches – Team records". ESPNcricinfo.
6. ↑ (en) "Test matches – 2025 Team records". ESPNcricinfo.
7. ↑ (en) "ODI matches – Team records". ESPNcricinfo.
8. ↑ (en) "ODI matches – 2025 Team records". ESPNcricinfo.
9. ↑ (en) "T20I matches – Team records". ESPNcricinfo.
10. ↑ (en) "T20I matches – 2025 Team records". ESPNcricinfo.
11. ↑ (en) Bill Frindall (2009). Ask Bearders. BBC. p. 163. ISBN 978-1-84607-880-4.
12. ↑ (en) "Men's Test Team Rankings". Internasionale Krieketraad. 27 Januarie 2025. Besoek op 5 Februarie 2025.
13. ↑ (en) "Men's ODI Team Rankings". Internasionale Krieketraad. 11 Januarie 2025. Besoek op 5 Februarie 2025.
14. ↑ (en) "Men's T20I Team Rankings". Internasionale Krieketraad. 28 Januarie 2025. Besoek op 5 Februarie 2025.
15. ↑ (en) Greg Baum (24 Maart 2015). "Cricket World Cup: Drama aplenty as New Zealand enter first final". The Sydney Morning Herald. Besoek op 5 Februarie 2025.
16. ↑ (en) "A recap of the most dramatic match in cricket history". The Guardian. 14 Julie 2019. Besoek op 5 Februarie 2025.
17. ↑ (en) "England win Cricket World Cup: Ben Stokes stars in dramatic finale against New Zealand". BBC. 14 Julie 2019. Besoek op 5 Februarie 2025.
18. ↑ (en) "2019 Cricket World Cup final: England beat Black Caps in greatest ODI in history". The New Zealand Herald. 14 Julie 2019. Besoek op 5 Februarie 2025.
19. ↑ (en) "Epic final tied, Super Over tied, England win World Cup on boundary count". ESPNcricinfo. 14 Julie 2019. Besoek op 5 Februarie 2025.
20. ↑ (en) "ICC Hall of Fame". Internasionale Krieketraad. Besoek op 5 Februarie 2025.