Populasie (statistiek)

In statistiek is ’n populasie of universum ’n stel eenderse voorwerpe of gebeure wat van belang is vir ’n sekere vraag of eksperiment.^[1] ’n Statistiese populasie kan ’n groep bestaande voorwerpe wees (byvoorbeeld al die sterre in die Melkweg) of ’n hipotetiese en potensieel oneindige groep voorwerpe wat beskou word as ’n veralgemening van idees (byvoorbeeld alle moontlike hande in ’n pokerspel).^[2] ’n Algemene doel van statistiese ontleding is om inligting te verskaf oor ’n gekose populasie.^[3]

In statistiese inferensie word ’n deel van die populasie (’n steekproef) geneem om die populasie in ’n statistiese ontleding te verteenwoordig.^[4] Die parameters of eienskappe van die populasie kan dan uit die steekproefstatistieke afgelei word. Die verhouding van die grootte van die steekproef tot die grootte van die populasie word die steekproeffraksie genoem.

1. ↑ "Glossary of statistical terms: Population". Statistics.com (in Engels). Geargiveer vanaf die oorspronklike op 6 Mei 2020. Besoek op 22 Februarie 2016.
2. ↑ Weisstein, Eric W. "Population" by MathWorld
3. ↑ Yates, Daniel S.; Moore, David S; Starnes, Daren S. (2003). The Practice of Statistics (2de uitg.). New York: W.H. Freeman and Company. ISBN 978-0-7167-4773-4. Geargiveer vanaf die oorspronklike op 9 Februarie 2005.
4. ↑ "Glossary of statistical terms: Sample". Statistics.com (in Engels). Geargiveer vanaf die oorspronklike op 6 Mei 2020. Besoek op 22 Februarie 2016.