Back مركبات الأكسجين التفاعلية Arabic Reaktivne vrste kisika BS Espècies reactives de l'oxigen Catalan Reaktive Sauerstoffspezies German Δραστικές μορφές οξυγόνου Greek Reactive oxygen species English Especie reactiva de oxígeno Spanish Hapnikku sisaldavad reaktiivsed osakesed Estonian Dérivé réactif de l'oxygène French Especie reactiva do osíxeno Galician
Reaktiewe suurstofkomponente (afgekort ROS na aanleiding van die Engels, reactive oxygen species) vorm ’n groep reaktiewe chemiese komponente met suurstof as belangrikste bestanddeel. Voorbeelde is peroksiede, superoksiede, die hidroksielradikaal en singuletsuurstof.[1]
In ’n biologiese opset vorm die komponente ’n standaardneweproduk van die metabolisme van suurstof en speel hulle ’n belangrike rol in intersellulêre kommunikasie en homeostase.[2] Aan die een kant is lae konsentrasies ROS ’n noodsaaklike voorwaarde vir die werking van die sel, en aan die ander kant hou hoë konsentrasies ’n bedreiging vir die korrekte werking daarvan in.
Tydens tydperke van uiterse toestande, soos blootselling aan UV-strale of hitte, kan die hoeveelhede ROS ver bo die nodige konsentrasies styg.[2] Dit kan aansienlike skade aan die strukture van die sel aanrig. Dit staan bekend as oksidasiestres.
Die vervaardiging van ROS word sterk beïnvloed deur stresfaktorreaksies in plante. Dié faktors wat die vervaardiging van ROS kan verhoog, sluit in droogte, soutinhoud, koue, voedingstoftekorte, metaaltoksiteit en UVB-strale. ROS kan ook vervaardig word deur eksogene faktore (buite die sel) soos ioniserende straling.[3]
- ↑ Hayyan M, Hashim MA, AlNashef IM (2016). "Superoxide Ion: Generation and Chemical Implications". Chem. Rev. 116 (5): 3029–3085. doi:10.1021/acs.chemrev.5b00407.
{{cite journal}}: AS1-onderhoud: meer as een naam (link) - ↑ 2,0 2,1 Devasagayam TP, Tilak JC, Boloor KK, Sane KS, Ghaskadbi SS, Lele RD (Oktober 2004). "Free radicals and antioxidants in human health: current status and future prospects". The Journal of the Association of Physicians of India. 52: 794–804. PMID 15909857.
- ↑ Sosa Torres, Martha E.; Saucedo-Vázquez, Juan P.; Kroneck, Peter M.H. (2015). "Hoofstuk 1, seksie 3 The dark side of dioxygen". In Kroneck, Peter M.H.; Torres, Martha E. Sosa (reds.). Sustaining Life on Planet Earth: Metalloenzymes Mastering Dioxygen and Other Chewy Gases. Metal Ions in Life Sciences. Vol. 15. Springer. pp. 1–12. doi:10.1007/978-3-319-12415-5_1.
{{cite book}}: Onbekende parameter|name-list-format=geïgnoreer (hulp)