Reginald Fessenden

Reginald Fessenden
Gebore	Reginald Aubrey Fessenden 6 Oktober 1866 East Bolton, Quebec, Kanada
Sterf	22 Julie 1932 (op 65) Bermuda
Nasionaliteit	Kanada
Beroep	uitvinder
Bekend vir	uitvinding van die radiotelefonie

Reginald Aubrey Fessenden is op 6 Oktober 1866 in East Bolton, Quebec, Kanada gebore. As kind het hy merkwaardige wiskundige vermoeëns vertoon, maar sy ouers frustreer met sy vergesogte idee van stemme oor die wêreld stuur sonder om drade te gebruik. Hy is by Trinity Kollegeskool en Bishop's Kollege onderrig.

Fessenden het Kanada verlaat om in Amerika te werk. In 1887 het hy die hoofchemikus by die Thomas Edison Laboratorium geword. In 1890 is hy as hoofelektrisiën deur George Westinghouse aangestel. Hy het sy diens in 1892 verlaat om 'n akademiese loopbaan in elektriese ingenieurswese na te volg - eers by Purdue Universiteit en daarna by Western University of Pennsylvania. Terwyl hy vir die VSA-weerburo gewerk het, het hy sy radiodeurbraak in 1900 gemaak. In 1902 het hy die National Electric Signalling Company met behulp van twee finansierders geskep. Hy het daarna die radioversendingstasie by Brandt Rock, Massachusetts gebou van waar hy die wêreld se eerste radioprogram uitgesaai het en die eerste draadlose stemboodskappe oor die Atlantiese oseaan ontvang het.

Fessenden het na New York verhuis waar hy 'n suksesvolle loopbaan in Onderwaterklank gehad het. Hy is op 22 Julie 1932 in sy huis by die see in Bermuda oorlede.