Regverdige Rusland

Справедливая Россия
CP
Leier	Sergei Mironof
Gestig	28 Oktober 2006
Hoofkwartier	Moskou
Ideologie	Sosiaal-demokrasie, Demokratiese sosialisme
Internasionale affiliasie	Sosialistiese Internasionaal Progressive Alliance
Amptelike kleure	Rooi, oranje
Webblad	spravedlivo.ru

Regverdige Rusland (Russies: Справедливая Россия, Sprawedliwaja Rossija) is ’n sosiaal-demokratiese^[1] politieke party in Rusland, met tans 64 van die 450 setels in die Doema. Dit is op 28 Oktober 2006 gestig toe die partye Rodina, die Russiese Party van die Lewe en die Russiese Pensioentrekkersparty saamgesmelt het.^[2] Later het nog ses klein partye aangesluit.^[3] Regverdige Rusland staan vir die beginsels van regverdigheid, vryheid en solidariteit.^[4] Dit is ten gunste van ’n "nuwe sosialisme van die 21ste eeu" wat die regte en vryhede van die individu waarborg en die werking van ’n welsynstaat daarstel. Nikolai Lewitsjen het in 2011 die voorsitter geword in die plek van Sergei Mironof, wat in 2006–2011 die leier was. Mironof is die party se kandidaat in die presidentsverkiesing van 2012.

1. ↑ March, Luke (26 September 2011). "Just Russia — From "Second Leg" to "Footnote"?". Russian Analytical Digest (102): 7–10. Besoek op 13 November 2011.
2. ↑ http://www.tass.ru/eng/level2.html?NewsID=10932904&PageNum=0^{[dooie skakel]}
3. ↑ Geskiedenis
4. ↑ A Fair and Just Russia. The Political Platform of Russia's Social Democrats Part 2: The Individual & Government The School of Russian and Asian Studies