Saab JAS 39 Gripen

JAS 39 Gripen
'n Sweedse Lugmag JAS 39 Gripen
Tipe	Vegvliegtuig
Vervaardiger	Saab, Swede
Ontwerp deur	Industrigruppen JAS, Defence Materiel Administration (Swede)
Nooiensvlug	9 Desember 1988
Vrygestel	1 November 1997
Status	In gebruik
Hoofgebruikers	Sweedse Lugmag Suid-Afrikaanse Lugmag Tsjeggiese Lugmag Hongaarse Lugmag
Vervaardig	1987-huidig
Aantal gebou	ong. 298
Programkoste	VS$ 13.54 miljard (2006)[1]
Eenheidskoste	VS$ 68.9 miljoen (2006)[1][2]

Die Saab JAS 39 Gripen (Engels: Griffin) is 'n ligte, enkelmotorige multirolvegvliegtuig wat deur die Sweedse maatskappy Saab vervaardig word. Dit is ontwerp om die Saab 35 Draken en 37 Viggen in die Sweedse Lugmag ("Flygvapnet") te vervang. Die Gripen het 'n deltavlerk en kanardopset met ontspanne stabiliteitsontwerp en elektroniese vlugbeheer. Dit word aangedryf deur die Volvo RM12, en het 'n topsnelheid van Mach 2. Latere vliegtuie is gewysig vir NAVO-uitruilbaarheid en ook vir invlug-brandstofaanvulling.

Die Suid-Afrikaanse Lugmag het die vegter aanvanklik vir opleiding ontplooi by die Lugmagbasis Waterkloof in Pretoria. Dit is tans operasioneel in 2 Eskader te Makhado Lugmagbasis naby Louis Trichardt, Limpopo.^[3]

1. ↑ ^{1,0 1,1} "Sticker Shock: Estimating the Real Cost of Modern Fighter Aircraft" (PDF). Defense-Aerospace (communiqué). Julie 2006. Geargiveer vanaf die oorspronklike (PDF) op 21 Mei 2009. Besoek op 15 Januarie 2014. Nota: Slegs beraamde waardes word in die artikel verskaf, aangesien geen amptelike pryse bekendgemaak is nie. Aftrekkings van 30% vir onderdele en ondersteunende toerusting word gemaak, en Sweedse BTW van 25% word bygereken.
2. ↑ Caffrey, Craig (11 Junie 2008). "Why 2009 could be the year of the Gripen" (in Engels). Jane's Information Group. Geargiveer vanaf die oorspronklike op 16 September 2012.
3. ↑ "2 Squadron SAAF". www.saairforce.co.za. Besoek op 29 Junie 2014. (en)