Sean Hannity

Sean Hannity
Hannity in June 2020
Gebore	Sean Patrick Hannity 30 Desember 1961 (1961-12-30) (63 jaar oud) New York Stad, New York, Verenigde State
Nasionaliteit	Amerikaans
Beroep	Radioaanbieder, televisieaanbieder, politiese kommentator, skrywer
Werkgewer	Fox Nuuskanaal
Bekend vir	konserwatiewe politiese kommentaar
Politieke party	Republikeins
Eggenoot	Jill Rhodes (trou 1993; egskeiding 2019)
Kinders	2
Webwerf	hannity.com

Sean Patrick Hannity^[1] (gebore op 30 Desember 1961)^[2] is 'n Amerikaanse televisieaanbieder en konserwatiewe politieke kommentator. Hannity is die aanbieder van die The Sean Hannity Show, 'n nasionaal-gesindikeerde radioprogram. Hy is ook die aanbieder van Hannity op Fox-nuus.

Hannity was werksaam as 'n algemene kontrakteur en aanbieder van 'n kletsprogram aan die Universiteit van Kalifornië, Santa Barbara in 1989. Hy het later aangesluit by Radio-WVNN in Athens, Alabama en kort daarna by Radio-WGST in Atlanta. Nadat hy Radio-WGST verlaat het, was hy tot 2013 werksaam by Talkradio 77 WABC in New York. Hannity werk sedert 2014 by Radio-WOR (bekend as "The Voice of New York").^[3]

In 1996 was Hannity saam met Alan Colmes die mede-aanbieder van Hannity & Colmes op Fox-nuus. Nadat Colmes in Januarie 2008 aangekondig het dat hy die program verlaat, het Hannity die Hannity & Colmes program voortgesit onder die vaandel van Hannity.

Hannity het verskeie pryse en eerbewyse ontvang, insluitende 'n eregraad van Liberty University. Hy het drie topverkoper boeke geskryf: Let Freedom Ring: Winning the War of Liberty over Liberalism; Deliver Us from Evil: Defeating Terrorism, Despotism, and Liberalism; en Conservative Victory: Defeating Obama's Radical Agenda, en in 2020 'n vierde vrygestel, getiteld Live Free or Die.^[4]

Hannity was 'n vroeë ondersteuner van President Donald Trump tydens die voorverkiesings vir die presidensiële verkiesing van 2016. Hy het die media gekritiseer vir hul bevooroordeelde rol asook die ondersoek van Robert Mueller.^[5] Hannity het ook as segsman opgetree tydens President Trump se veldtogte. Adviseurs verbonde aan die Withuis het hom gekarakteriseer as die "skaduwee" Hoof van Personeel. Volgens Forbes was Hannity teen 2018 een van die gewildste nuusaanbieders en een van die mees geluisterde en gewildste radio uitsaaiers, deels as gevolg van sy verhouding met en toegang tot President Trump.

1. ↑ Hannity, Sean Patrick (26 Desember 2011). "About Sean Hannity". Hannity.com. Geargiveer vanaf die oorspronklike op 5 Januarie 2012. Besoek op 15 September 2013.
2. ↑ "Sean Hannity: Television Host, Television Personality (1961–)". Biography.com. Geargiveer vanaf die oorspronklike op 17 Mei 2020. Besoek op 3 Junie 2020.
3. ↑ Hinckley, David (2 September 2013). "Sean Hannity extends contract, paving way for switch from WABC to WOR". New York Daily News. New York City: Tribune Publishing. Besoek op 19 April 2020.
4. ↑ Concha, Joe (29 April 2020). "Hannity planning first book in ten years: 'Live Free or Die'". The Hill. Washington, D.C.: Captiol Hill Publishing. Besoek op 9 Mei 2020.
5. ↑ Zhao, Christina (30 Mei 2019). "Fox News' Hannity, Carlson, Ingraham attack Mueller: He's a "sleazy and dishonest" "mean girl" who's "full of crap"". Newsweek (in Engels). New York Stad: IBT Media. Besoek op 17 April 2020.