Short Stirling

Short Stirling
Stirling N6101 besig om vol bomme gelaai te word.
Tipe	Bomwerper
Vervaardiger	Short Brothers
Nooiensvlug	14 Mei 1939
Bekendstelling	10 Februarie 1941
Status	Uit diens gestel
Hoofgebruiker	Britse Lugmag
Aantal gebou	2 371

Die Short Stirling was die eerste viermotorige bomwerper van die Britse Lugmag tydens die Tweede Wêreldoorlog. Die prototipe het sy nooiensvlug op 14 Mei 1939 voltooi. Dit is verwoes tydens die landing. Hierdie vliegtuig het op 10 Februarie 1941 sy eerste operasionele vlug voltooi oor Rotterdam waar die teiken 'n olieraffinadery was. Gedurende 1942 is hulle gebruik met die eerste strategiese bombarderingmissies wat later deur die Handley Page Halifax en Avro Lancaster voortgesit is. Hulle het ook deelgeneem aan die eerste 1000-bomwerper missie.