Back Guillén IV d'o Reino Uniu AN Willelm IV Bretta Cyning ANG ويليام الرابع ملك المملكة المتحدة Arabic ويليام الرابع ملك المملكه المتحده ARZ Guillermu IV del Reinu Xuníu AST IV Vilhelm (Böyük Britaniya kralı) Azerbaijani دؤردونجو ویلیام (پادشاهی متحده) AZB Вільгельм IV (кароль брытанскі) Byelorussian Уилям IV Bulgarian William IV ar Rouantelezh-Unanet Breton
| William IV | |
|---|---|
| Koning van die Verenigde Koninkryk en Hannover | |
 William IV, ’n skildery deur sir Martin Archer Shee, 1833.
| |
| Vorstehuis | Hannover |
| Titel | Koning van die Verenigde Koninkryk en Hannover |
| Regeer | 26 Junie 1830 – 20 Junie 1837 |
| Voorganger | George IV |
| Opvolger | Victoria |
| Ander titels | SKH die Hertog van Clarence en St. Andrews |
| Volle naam | William Henry |
| Gebore | 21 Augustus 1765 |
| Oorlede | 20 Junie 1837 |
| Eggenote | Adelaide van Saxe-Meiningen |
| Vader | George III |
| Moeder | Charlotte van Mecklenburg-Strelitz |
William IV (William Henry; 21 Augustus 1765 – 20 Junie 1837) was van 26 Junie 1830 tot met sy dood koning van die Verenigde Koninkryk van Groot-Brittanje en Ierland en van Hannover. William, die derde seun van George III en die jonger broer van George IV, was die laaste koning en voorlaaste monarg van die Huis van Hannover.
Hy het tydens sy jeug diens gedoen in die Britse vloot en was, tydens sy bewind en daarna, bekend as die Matrooskoning. Nadat sy twee ouer broers kinderloos gesterf het, het hy koning geword toe hy 64 jaar oud was. Tydens sy bewind het verskeie veranderings plaasgevind: kinderarbeid is beperk, slawerny dwarsdeur die Britse Ryk afgeskaf en die verkiesingstelsel hervorm.
Met sy dood het William geen oorlewende kinders gehad wat binne die eg gebore is nie, maar agt van sy tien buite-egtelike kinders het hom oorleef. Hulle ma was die gewilde aktrise Dorothea Bland, beter bekend as Mrs Jordan, wat twintig jaar lank sy minnares was.
Hy is in Brittanje opgevolg deur sy broerskind, Victoria en in Hannover deur sy broer Ernest Augustus.