Back 12 فكتوريا Arabic 12 فكتوريا (كويكب) ARZ 12 Victoria AST (12) Вікторыя Byelorussian 12 Виктория Bulgarian (12) Victòria Catalan (12) Виктория CE Victoria (planetka) Czech (12) Victoria Danish (12) Victoria German
| (12) Victoria | |
|---|---|
| Eigeschafte vum Orbit | |
| Orbittyp | Hauptgürtel |
| Grossi Halbax | 2,3343 AE |
| Perihel; Aphel | 1,8191; 2,8495 AE |
| Exzentrizität | 0,2207 |
| Neigig vu dr Bahnebeni | 8,3619 ° |
| Siderischi Umlaufzitt | 3,57 Johre |
| Middleri Bahngschwindigkeit | km/s |
| Physikalischi Eigeschafte | |
| Durmesser | 117 km |
| Masse | kg |
| Middleri Dichti | ~2 g/cm3 |
| Rotationsperiode | 8,66 h |
| Albedo | 0,176 |
| Absoluti Helligkeit | 7,24 |
| Spektralklasse | S-Typ |
| Gschichte | |
| Entdecker | John R. Hind |
| Datum vu dr Entdeckig | 13. September 1850 |
| Älderi Bezeichnig | |
| Dialäkt: Markgräflerisch (Ebringe) |
(12) Victoria isch e Asteroid vum Asteroide-Hauptgürtel, wo am 13. September 1850 vum John Russell Hind as zwölfter Asteroid entdeckt worre isch. D'Daifi uf dr Namme Victoria isch sinerzitt kontrovers diskutiert worre, wil mer dr nohligend Schluss zoge het, dr Hind heb dr Himmelskörper zue Ehre vu dr englische Königi Victoria si gnennt - bis derthi isch es unüblich gsi, Asteroide nooch läbende Persone z'benenne. Dr Hind het sich aber dodemit us dr Affäre zoge, dass die römisch Sigesgötti d'Nammensgäberi gsi sei.
D'Victoria beweggt sich ime Abstand vu 1,8191 (Perihel) bis 2,8495 (Aphel) astronomische Eiheite, in 3,57 Johre um d'Sunne. D'Bahn isch 8,3619° gege d'Ekliptik gneigt, d'Bahnexzentrizität betrait 0,2207.
D'Victoria het e Durmesser vu öppe 117 Kilometer. Si besitzt e relativ helli Oberflächi mit ere Albedo vu 0,176. In rund 8 Stunde un 40 Minute rotiert si um die eige Ax.
Ufnahme, wo mit Radar un Speckle Interferometrie gmacht worre sin, zeige, dass dr Asteroid e länglichi Form ufwiist (was d'Durmesseragab relativiert). Möglichwiis bestoht er us zwei Körper (e sognennte kontakt-binäre Asteroid).
Lueg au: Liste vu dr Asteroide