Back Abstellgleis German 留置線 Japanese Afstellgleis NDS Opstelspoor Dutch Tor postojowy Polish 存车线 Chinese
Unter nèm Abschtellgleis vostòt mò è Gleis, oft è Stumpfgleis, wo mò Schinnèfaarzüüg abschtellt, wo nit in Bedryb sin. Dõdeby cha s sich um è Abschtellzit von è baar Stundè bis ständigè Abschtellè vo uusgmuschtertè Faarzüüg handlèt. Mèngmòl voschtòt mò dõdrunter au Gleis, wo mè Züüg zämmèschtellt, öfter wörrèd abgschtellti Personèzüüg dõ au suber gmacht[1] odder vorgheizt.[2] Abschtellgleis wörrèd nit für Zugfaartè übber dè Baanhof usè vowendèt un gèltèd dõhèr als Näbbègleis.
Nit als Abschtellgleis gèltèd Baanschteiggleis, wo Züüg zum Y- un Uusschtyg abgschtellt wörrèd, Laddegleis zum Uff- un Abladdè sowiè Uuswych- un Übberholgleis, uff dènnè zwei Züg chrützèd odder ein dè ander übberhollè duèt.
Wörd s Stumpfgleis nit nu zum Abschtellé, sondern zum Faarè vo Züüg, zum Umsetzè für d Rüggfaart uff èm anderè Gleis von èrè zweigleisigè Streggi bruucht, asè wörd sèll Gleis au als Keergleis benamst.