Abtei Remiremont

D’ Àbtai vu Remiremont (uff Frànzeesch abbaye de Remiremont, uff Hoochdiitsch Abtei Reimersberg) ìsch a ehamààlig Kloschter vu da Benediktinerinna, wo ìm 7. Joohrhundert grìnda worra-n-ìsch. Schpeeter ìsch’s a waltlig Dààmaschtìft worra; d’ Àbtissinna vu Remiremont sìnn Fìrschtinna vum Hailiga Reemischa Raich gsìì. S’ Schtìft ìsch ànna 1790 ìm Làuif vu dr Frànzeescha Revolutioon uffgleest worra. D’ Schtìftskìrìch St. Petrus, wo noch hìtt ìm Schtàdtzäntrum vu Remiremont schteht, ìsch sitter 1983 a klàssifiziart Hischtoorisch Dankmol. Dr Schtìftspàlàscht ìsch eewafàlls a gschìtzt Dankmol, un d’ Kànoonikerhiiser sìnn noch hìtt ìm Schtàdtzäntrum z’ sah.