Adolf

Adolf, mänggisch au Adolph, in dr Vergangeheit latinisiert as Adolphus isch en männliche Vorname. Er isch früehner in dütschschbroochige Länder, in Skandinavie und Holland sehr beliebt gsi, weniger in de oschdeuropäische Länder. Wägem Adolf Hitler, wo dr Zweit Wältchrieg und d Vernichtig vo Millione vo unschuldige Mensche verschuldet het, isch dr Name ehnder sälte worde. Z Frankriich, wo Adolphe as Vorname nit sälte gsi isch, isch er braktisch ganz verschwunde. Z Schbanie und in Südamerika wo nid vo de Nazi bsetzt worde si, isch die schbanisch Version Adolfo immer no gang und gäb.