Algarve-Rundfahrt

Volta ao Algarve
Uusdragigsland	Portugal Portugal
Uusdragigszytruum	Februar
Ränntyp	Etapperänne
Erschti Uflag	1936
Erschte Siiger	Flagge Portugals Joaquim Fernandes
Rekordsiiger	3 Siig Flagge Portugals Belmiro Silva

D Volta ao Algarve (Algarve-Rundfahrt) isch e portugiesisch Radränne.

D Rundfahrt wird in mehrere Etappe uusdrait un findet alljohr im Februar in dr portugiesische Region Algarve statt. S erscht Mol isch s Etapperänne anne 1936 gfahre wore, s zwait Mol anne 1947 un erscht syter anne 1977 wird s Algarve-Rundfahrt alljohr veraastaltet. Syt 2005 ghert s Ränne zue dr UCI Europe Tour in dr Kategori 2.1. Wel des Ränne so frie im Johr stattfindet, wird s vu vile Fahrer as Vorberaitig fir d Friejohrsklassiker brucht.

Dr Rekordsiiger isch dr Portugiis Belmiro Silva mit insgsamt drei Siig. Di maischte Etappe het Candido Barbosa gwunne (5). Dr ainzig Siiger us dr Schwyz isch dr Alex Zülle (2000), dr ainzig dytsch Fahrer, wu d Rundfahrt gwunne het, dr Tony Martin (2011 un 2013).