Appu

De Appu isch de Held vonere hurritische Gschicht, wo nöd ganz erhalten isch. De Tegscht isch i de Archiv vo de hethitische Hoptstadt Ḫattusa gfunde wore. D Gschicht foot dodemit aa, as gueti Mensche erhööt werid und schlechti wie Holz gfällt und goot den öbere zo de sexuelle Probleem wo de Appu mit sinere Frau hett und wiener doch no zwee Söö zügt, de „Böös“ und de „Recht“, wo sich um s Erb striitet.