Autonome Verwaltung von Nord- und Ostsyrien

D'Autonomi Verwautig z'Nord- u Ostsyrie, wo o ungerem kurdischä namä Rojava bekannt isch, was uf schwyzerdütsch "Westkurdistan" bedütät (Aussprache: [roʒɑːˈvɑ]; kurdisch رۆژاڤایا کوردستانێ‎‎ Rojavayê Kurdistanê; arabisch كردستان الغربيه‎, Vorlage:SyrS), isch es de fakto outonoms Gebiet im Nordwestä vo Syrie. Die autonomi Verwautig z'Nord- u Ostsyrie isch im jahr 2012 entstange u isch e foug vode ereigniss im und rund ime syrisch Bürgerchriäg.^[1]

D'Region wo sech sithär säuber verwautet, isch ethnisch u religiös sehr viufäutig u wird vode Kurde, Asyyrer, Araber u angerne Minderheitä bewohnt. Ihres politische Vorbiud isch d'Schwiiz, drum hei die erschte Provinze vor Region o Kantön gheissä. No geng wird ir Region mitere Form vor diräkte Demokratie gwäuht u abgstumme.

Usem Bedürfnis use, sech gäge die chriegerische Usenangersetzige im Land z'schütze, het sech am 17. März 2017 ä Gruppä vo kurdische, assyrische, arabische u turkmenische Delegiertä zämetah zum die Demokratischi Föderation Nordsyriä uszrüefä u hei druf abä drüü Kantön gründet wo Efrîn, Kobanê û Cizîre heissä.

D'Region wo sit ihrere Gründig relativ stabil isch blibä, bchunt schampar grosse Zuespruch über wäg ihrere funktionierendä Demokratie, de pluralistische Prinzipiä, dr Gliichberächtigung vo aune Mönsche - egau welem Vouk, welere Religion oder weles Gschlächt sie hei. Z'mitts im Bürgerchrieg het sech die Region dür die Jahr hingwäg etabliert u wett, dass o z'nöiä Syrie denetralisiert u föderalisch söu gfüehrt wärde.

Grad wiu sie äbä dene verschidnige Vöuger u Religionä so viu Freiheitä git, isch die Autonimi Verwautig z'Nord- u Ostsyrie in Gfaahrt: Sie wird geng no vo islamistische Rebellä aagriffe, wo o no vom NATO-Partner Türggeii militärisch ungerstützt wird. D'Türggeii füehlt sech vo derä föderale Struktur dert bedroht u bhouptet drum immer wieder, dass dert o Grupperige am wärch sy, wose aus terroristisch iistueft. Us däm grund sy o gwüssi Regionä vode Türggeii militärisch bsetzt. Vo döunä wird das aus vöukerrächtswidrigä AAgriffschrieg dütät, aber die offizielli Erchlärig lutet Absicherig vor türkisch-syrische Gränzzone. ^[2][3][4][5]

D'Region het ihri eigeti militärischi Einheit wosech Demokratischi Chreft vo Syrie nennt.^[6]

1. ↑ https://anfenglish.com/news/german-mp-jelpke-rojava-needs-help-against-corona-pandemic-42546
2. ↑ https://web.archive.org/web/20170711061821/https://freedomhouse.org/report/freedom-press/2015/syria
3. ↑ http://www.zeit.de/politik/ausland/2015-07/pkk-angriffe-tuerkei-kritik
4. ↑ https://www.heise.de/tp/features/Modell-Afrin-Menschenrechtsverletzungen-und-Kaempfe-zwischen-Milizen-4107215.html
5. ↑ https://www.zeit.de/politik/ausland/2019-10/nordsyrien-offensive-tuerkei-konflikt-krieg-voelkerrechtswidrig/komplettansicht
6. ↑ https://web.archive.org/web/20160224085811/http://kurdishquestion.com/index.php/kurdistan/west-kurdistan/declaration-of-establishment-by-democratic-syria-forces/1179-declaration-of-establishment-by-democratic-syria-forces.html