Belgien-Rundfahrt

nl. Ronde van België, fr Tour de Belgique
Belgie-Rundfahrt 2010: dr Philippe Gilbert ibernimmt d Fierig
Uusdragigsland	Belgien Belgie
Uusdragigszytruum	Mai
Ränntyp	Etapperänne
Erschti Uflag	1908
Erschte Siiger	Flagge Frankreichs Lucien Petit-Breton
Rekordsiiger	Flagge Deutschlands Tony Martin (3 Siig)

D Belgie-Rundfahrt (ndl. Ronde van België, frz. Tour de Belgique, syt 2013 offiziäll Baloise Belgium Tour) isch e belgisch Radränne.

D Rundfahrt wird in mehrere Etappe uusdrait un findet alljohr im Mai statt. S erscht Mol isch s Etapperänne anne 1908 gfahre wore. Syter 2005 ghert s Ränne zue dr UCI Europe Tour in dr Kategori 2.1.

Rekordsiiger sin nyyn Fahrer, wu s Ränne je zwaimol gwunne hän: d Belgier Louis Mottiat (1914, 1920), Emile Masson (1919, 1923), René Vermandel (1921, 1922), Henri Van Kerckhove (1952, 1954), Noël Foré (1958, 1962), Eddy Merckx (1970, 1971), Roger Swerts (1972, 1974), Stijn Devolder (2008, 2010) un dr Niderländer Frans Maassen (1988, 1990). Mee wie zwai Mol het s no niemer gwunne.

Vu dr 81 Uflage (bis 2011) sin 63 dur Belgier gwunne wore, dr ainzig Siiger vu Dytschland isch dr Tony Martin gsii, wu mit drei Siig vu 2012 bis 2014 au Rekordsiiger isch. Siiger us dr Schwyz het s no kaini gee.