Back بيرنهارد روسى ARZ Bernhard Russi Czech Bernhard Russi German Bernhard Russi English Bernhard Russi Spanish برنهارد روسی Persian Bernhard Russi Finnish Bernhard Russi French Bernhard Russi Italian ベルンハルト・ルッシ Japanese
Dr Bernhard Russi (* 20. August 1948 z Andermatt) isch en ehemalige Schwiizer Skirännfahrer. Er isch i de 1970er Jahr aktiv gsi und isch damals eine vo de beste Athlete i de Disziplin Abfahrt gsi. Dr Russi het en olympischi Goldmedaille und zwei Wältmeistertitel gwunne. Usserdäm het er zweimal d Disziplinewärtig im Wältcöp für sich entschide und zäh Wältcöpränne gwunne.
Syt er 1978 syni Sportkarriere beändet het, isch dr Russi under anderem als Wärbebotschafter, als Co-Kommentator und Rennanalyst bim Schwiizer Färnseh und als technische Berater vom Wältskiverband FIS tätig. Als Planer vo zahlryche nüüe Abfahrtspiste het er massgäblich zur Wyterentwicklig vom alpine Skisport byträit. Ufgrund vo syne vielfältige Ufgabe und zahlryche Medienuftritt ghört er no hüt zue de prominänteste Persönlichkeite vo dr Schwiiz.