Blackpink

Blackpink

Blackpink ànna 2023. Vu lìnks bis rachts: d’ Rosé, d’ Jisoo, d’ Jennie un d’ Lisa
Allgmeini Informatione
Härkumft	Seoul, Südkoreà
Genre	K-Pop, Hip-Hop, R&B, EDM
Gründig	2016
Website	blackpinkofficial.com
Aktuelli Bsetzig
Jisoo Jennie Rosé Lisa

Blackpink (koreànisch 블랙핑크, RR Beullaekpingkeu; oft BLACKPINK odd’r BLɅϽKPIИK schtilisiart) ìsch a südkoreànischa Girlgrupp, wo vu YG Entertainment gebìlda worra-n-ìsch. Sa bschteht üss da viar Mìtglììder Jisoo, Jennie, Rosé, and Lisa. Ìhr Debüü hàt d’ Grupp ìm Àuigscht 2016 ghàà mìt dr Veräffentligung vum Sìnggel-Àlbum Square One, wu d’ Liader Whistle un Boombayah z’ loosa sìnn. S’ äärschta Liad ìsch ìn Südkoreà Nummer-Ains-Hit worra, s’ Zwaita-n-ìsch uff dr Schpìtzaplàtz vum US-Chart Billboard World Digital Song Sales ànakumma.

Blackpink gìlt àss d’ internàzionààl ärfolgriichschta Girlgrupp üss Südkoreà un wìrd oft àls d’ „bediitendschta Girlgrupp vu dr Walt“ bezaichent.^[1] Mìt’m Liad Ice Cream ànna 2020 ìsch Blackpink dr wiibliga koreànischa Kìnschtler mìt dr heechschta Plàtziarung ìm Billboard Hot 100 worra (uff Plàtz 13), wia àui ìm Billboard 200 mìt’m Àlbum Born Pink ànna 2022 (uff Plàtz 1). Born Pink ìsch àui s’ maischtverkàuifta-n-Àlbum vu jeena koreànischa Girlgrupp worra, un s’ äärschta mìt mehr àss zwai Millioona verkàuifta Schàllplàtta.^[2] Üsserdam ìsch Blackpink àls äärschta Girlgrupp uff dr Schpìtzaplàtz vum Billboard’s Artist 100 so wia vum Billboard’s Emerging Artists ànakumma.^[3] Mìt dr Sìnggel Ddu-Du Ddu-Du (2018) hàt Blackpink àls äärschta wiibliga koreànischa Kìnschtlera-n-a Üsszaichnung fìr Müüsikverkaif ìn da USA bikumma. D’rzüa ìsch s’ Video vum Liad s’ äärschta Müüsikvideo vun’ra koreànischa Band gsìì, wo-n-uff YouTube mehr àss 1 Milliàrda Züaschàuijer ghàà hàt.^[4] Üsserdam hàt Blackpink àls äärschta koreànischa Band fìrs Liad Kiss and Make Up (2018) a Üsszaichnung fìr Müüsikverkaif ìn Groossbritànnia^[5] un Àuischtrààlia bikumma^[6] — s’ Liad ìsch zamma mìt dr britischa Sangera Dua Lipa-n-uffgnumma worra. Ìhr äärscht Schtüdioàlbum The Album (2020) ìsch mehr àss ainem Millioona Mol verkàuift worra. ’S ìsch s’ äärschta Àlbum vun’ra koreànischa Girlgrupp, wo dàs ärziilt hàt. S’ Wark ìsch àui uff Plàtz 2 vum Billboard 200 ànakumma; domìt ìsch’s s’ koreànischa Àlbum mìt dr heechschta Plàtziarung ìm Chart. Baida Rekorda sìnn schpeeter vum zwaita-n-Àlbum Born Pink (2022) iighoolt worra.^[7] Züadam ìsch Born Pink àls äärscht Àlbum vun’ra K-Pop Girlgrupp uff dr Schpìtzaplàtz vum Billboard 200 un vum UK Albums Chart ànakumma.^[8] D’ Hàuiptsìnggel vum Àlbum, Pink Venom (2022), ìsch àui àls äärscht Liad vun’ra koreànischa Band uff dr Schpìtzaplàtz ìn Àuischtrààlia ànakumma, un àls äärscht Liad vun’ma wiibliga koreànischa Kìnschtler uff dr Schpìtzaplàtz vum Billboard Global 200.^[9]

Ìm Làuif vun ìhrer Kàrriar hàt Blackpink ìm Internet mehrera Rekorda gebrocha. Ìhra Videos züa da Liader Kill This Love (2019) un How You Like That (2020) hann je a Rekord vu da maischta Züaschàuijer ìnnerhàlb vu da äärschta 24 Schtunda gebrocha.^[10] Àls äärschter wiibliger koreànischer Kìnschtler hàt Blackpink uff YouTube fìmf Müüsikvideos mìt je ainer Milliarda Züaschàuijer ghàà.^[11] Blackpink ìsch àui dr Müüsikkìnschtler, wo-n-uff YouTube àm maischta gfolgt wìrd, un dr äärschta mìt mehr àss 80 Millioona Folger uff dara Plàttform.^[12] Drzüa ìsch sa d’ Girlgrupp, wo-n-uff Spotify àm maischta gloost wìrd.^[13] D’ Band hàt zàhlriicha Üsszaichnunga bikumma, drunter dr Priis vum Näija Kìnschtler vum Joohr bii da 31. Golden Disk Awards un da 26. Seoul Music Awards. Ànna 2020 ìsch sa bii da Mnet Asian Music Awards àls Bäschta Wiibliga Grupp üsszaichent worra. D’rzüa hàt sa àls äärschta koreànischa Girlgrupp a MTV Music Video Award bikumma.^[14] Üsserdam ìsch Blackpink mehrmols vu Forbes Korea unter da maachtigschta Pärseenligkaita ìn Südkoreà glischtet worra.^[15] Ànna 2021 hàt dr süüdkoreànischa Schtààtspresidànt Moon Jae-in d’ Band àls a wìchtiger Bschtàndtail vu dr Koreànischa Walla bezaichent.^[16]

1. ↑
   • Lucas Shaw: Blackpink Is the Biggest Pop Band In the World, A First For South Korea. In: Bloomberg News. 10. November 2020, archiviert vom Original am 10. November 2020; abgruefen am 7. November 2022 (änglisch). 
   • Haeryun Kang: How Blackpink Went From Strangers to Sisters to Pop Supernovas. In: Rolling Stone. 23. Mai 2022, archiviert vom Original am 23. Mai 2022; abgruefen am 7. November 2022 (änglisch). 
   • Desiree Bowie: Everything We Know About BLACKPINK's New Album, 'Born Pink'. In: The Recording Academy. 12. August 2022, archiviert vom Original am 20. August 2022; abgruefen am 7. November 2022 (änglisch). 
2. ↑
   • Gary Trust: Blackpink Hits New Hot 100 High With Debut of Selena Gomez Collab 'Ice Cream'. In: Billboard. 8. September 2020, archiviert vom Original am 10. September 2020; abgruefen am 7. November 2022 (änglisch). 
   • Keith Caulifield: BLACKPINK's 'Born Pink' Debuts at No. 1 on Billboard 200 Albums Chart. In: Billboard. 25. September 2022, archiviert vom Original am 20. Oktober 2022; abgruefen am 7. November 2022. 
   • 'Born Pink' by Blackpink sells over 2 million units in first two days since release. In: The JoongAng. Korea JoongAng Daily, 22. September 2022, archiviert vom Original am 3. November 2022; abgruefen am 7. November 2022. 
3. ↑
   • Xander Zellner: BLACKPINK Become First Girl Group & Third K-Pop Act to Hit No. 1 on Artist 100 Chart. In: Billboard. 13. Oktober 2020, archiviert vom Original am 25. November 2021; abgruefen am 13. Oktober 2020 (änglisch). 
   • Xander Zellner: Blackpink Is First All-Female K-Pop Group to Top Emerging Artists Chart. In: Billboard. 27. Juni 2018, archiviert vom Original am 18. August 2020; abgruefen am 7. November 2022 (änglisch). 
4. ↑
   • Tamar Herman: Blackpink Receive First RIAA Certification for 'Ddu-Du Ddu-Du'. In: Billboard. 3. August 2019, archiviert vom Original am 4. November 2020; abgruefen am 9. November 2022 (änglisch). 
   • Bryan Rolli: BlackPink's 'Ddu-Du Ddu-Du' Is The Most-Watched Music Video by a Korean Group On YouTube. In: Forbes. 22. Januar 2019, archiviert vom Original am 7. November 2020; abgruefen am 9. November 2022 (änglisch). 
   • Tamar Herman: BLACKPINK Has First Video by a K-Pop Group to Rack Up 1 Billion Views on YouTube. In: Billboard. 11. November 2019, archiviert vom Original am 12. November 2019; abgruefen am 9. November 2022. 
5. ↑ Hugh McIntyre: BTS's 'Boy With Luv' Is Just The Fifth Korean Single To Be Certified in the U.K. In: Forbes. 17. März 2020, archiviert vom Original; abgruefen am 9. November 2022. 
6. ↑ BLACKPINK And Dua Lipa’s “Kiss And Make Up” Officially Certified Platinum In Australia. In: Soompi. 25. Oktober 2019, archiviert vom Original am 29. Juli 2021; abgruefen am 9. November 2022 (änglisch). 
7. ↑
   • 21 Savage & Metro Boomin's 'Savage Mode II' Debuts at No. 1 on Billboard 200 Chart. In: Billboard. Archiviert vom Original am 17. Oktober 2020; abgruefen am 9. November 2022 (änglisch). 
   • NCT, BLACKPINK, Seventeen achieve 'million seller' status with their new albums. In: Manila Bulletin. 13. November 2020, archiviert vom Original am 18. April 2021; abgruefen am 9. November 2022 (änglisch). 
8. ↑
   • Caulfield Keith: Blackpink's 'Born Pink' Debuts at No. 1 on Billboard 200 Albums Chart. In: Billboard. 25. September 2022, archiviert vom Original am 25. September 2022; abgruefen am 9. November 2022. 
   • BLACKPINK make history as BORN PINK hits Number 1. In: www.officialcharts.com. Archiviert vom Original am 23. September 2022; abgruefen am 9. November 2022 (änglisch). 
9. ↑
   • Blackpink make ARIA Chart history. Australian Recording Industry Association (ARIA), 26. August 2022, archiviert vom Original am 26. August 2022; abgruefen am 9. November 2022. 
   • Gary Trust: BLACKPINK's 'Pink Venom' Blasts in at No. 1 on Billboard Global Charts. In: Billboard. 29. August 2022, archiviert vom Original am 29. August 2022; abgruefen am 9. November 2022. 
10. ↑ Blackpink's return sets new YouTube records with How You Like That. In: Guinness World Records. 30. Juni 2020, archiviert vom Original am 1. Juli 2020; abgruefen am 9. November 2022 (änglisch). 
11. ↑
    • Tamar Herman: BLACKPINK Has First Video by a K-Pop Group to Rack Up 1 Billion Views on YouTube. In: Billboard. 11. November 2019, archiviert vom Original am 12. November 2019; abgruefen am 9. November 2022. 
    • Blackpink's 'Kill This Love' surpasses 1 billion views on YouTube. In: Korea JoongAng Daily. Archiviert vom Original am 7. November 2020; abgruefen am 9. November 2022 (änglisch). 
    • Blackpink's 'Boombayah' reaches 1 billion views on YouTube, group's third MV to achieve feat. In: Manila Bulletin. 13. Oktober 2020, archiviert vom Original am 28. November 2020; abgruefen am 9. November 2022. 
    • Hugh McIntyre: Blackpink's 'As If It's Your Last' Music Video Reaches One Billion Views On YouTube. In: Forbes. 23. April 2021, archiviert vom Original am 18. Mai 2021; abgruefen am 9. November 2022. 
    • Hugh McIntyre: Blackpink Collects A Fifth Billion-View Music Video With 'How You Like That'. In: Forbes. 12. November 2021, archiviert vom Original am 12. November 2021; abgruefen am 9. November 2022. 
    • Gil Kaufman: BLACKPINK's 'How You Like That' Dance Video Hits 1 Billion YouTube Views. In: Billboard. 7. Februar 2022, archiviert vom Original am 7. Februar 2022; abgruefen am 9. November 2022. 
12. ↑ BLACKPINK Becomes First Artist to Surpass 80 Million Subscribers on YouTube. In: Billboard. 8. September 2022, abgruefen am 9. November 2022. 
13. ↑
    • Ana Monroy Yglesias: "How You Like That:" Blackpink Breaks Multiple Records With Latest Music Video. Grammy Awards, 2. Juli 2020, archiviert vom Original am 9. November 2020; abgruefen am 9. November 2022. 
    • 블랙핑크, 저스틴 비버 제쳤다…유튜브 구독자 전 세계 1위 등극. In: Naver. 10. September 2021, archiviert vom Original am 10. September 2021; abgruefen am 9. November 2022 (koreaanisch). 
    • BLACKPINK becomes first girl group to hit 20 mln followers on Spotify. Yonhap News Agency, 16. März 2021, archiviert vom Original am 16. März 2021; abgruefen am 9. November 2022. 
14. ↑ You Jung: BLACKPINK Becomes First Kpop Girl Group to Win MTV VMA...BTS Takes Home 4 Awards. In: TenAsia. 31. August 2020, archiviert vom Original am 22. September 2020; abgruefen am 9. November 2022. 
15. ↑
    • Seung-il Oh: 포브스코리아 선정 2019 파워 셀러브리티 40. In: JoongAng Ilbo. 23. April 2019, archiviert vom Original am 2. Mai 2019; abgruefen am 9. November 2022. 
    • Seung-il Oh: [2021 포브스코리아 선정 파워 셀럽 40 BTS·블랙핑크 '선두권' 수성, 임영웅·영탁 '트로트 대세' 등극.] Linktext ungültig In: JoongAng Ilbo. 27. April 2021, archiviert vom Original am 28. April 2021; abgruefen am 9. November 2022 (koreaanisch). 
16. ↑ Mina Gona: 문 대통령 "BTS 등 세계인 매료..문화강국 위상 더 다져갈 것". In: Star News. 11. Januar 2021, archiviert vom Original am 15. September 2021; abgruefen am 9. November 2022 (koreaanisch).