Boris Vian

Dr Boris Vian (* 10. Merz 1920 z Ville-d’Avray; † 23. Juni 1959 z Bariis) isch e franzöösische Schriftsteller, Dschääsdrumbeeter, Schansonniee, Schauspiiler und Übersetzer gsi. Er isch e wääsentligs Mitgliid vom Collège de 'Pataphysique gsi, ere nonsensische Parodii vo de Theoriebildige und Methode vo dr modärne Wüsseschaft^[1]. Dr Vian isch au dr Läiter vo dr Dschääsblattenabdäilig bi Philips gsi. Noch sim Dood het men en zerst e chli vergässe, aber hüte gältet er wider as äine vo de intressantiste Künstler vo dr franzöösische Noochchriegszit.

1. ↑ 'Pataphysique isch e Wortspiil mit de homofone Formulierige patte à physique, pas ta physique und pâte à physique und isch en absurdistischs Filosofii- und Wüsseschaftskonzept vom franzöösische Schriftsteller Alfred Jarry (1873–1907).