DJ BoBo

DJ BoBo (* 5. Jänner 1968 als Peter René Baumann z Chöllike, Kanton Aargau) isch e Schwiizer Popmusiker, Sänger, Tänzer, Komponist und Musikproduzent. Sit em 1985 isch er Disk Jockey gsi und het bsunders z Aarau Platte ufgläit. Scho im 1986 isch er bi de Schwiizer DJ-Meischterschafte zweiter worde. Er het dann e paar Johr als Profi-DJ gschaffet und het im 1990i sini erschti Single veröffentlicht: «I Love You». Mit em Lied «Somebody Dance with Me» het er im März 1993 s erschti Mol de erscht Platz in de Schwiizer Hitparade chönne erreiche.

Im Herbst 1995 het er di erschti Europa-Tournee mit ere eigene Büüne-Show gmacht und im September 1996 het er im Vorprogramm vo de HIStory-Tour vom Michael Jackson z Prag, Budapest, Bukarest, Moskau und z Warschau gschpilt.