Dizzy Gillespie

Dizzy Gillespie
Date
Geburtsname	John Birks Gillespie
Uf d Wält cho	21. Oktober 1917 z Cheraw, South Carolina
Gstorbe	6. Januar 1993 z Englewood, New Jersey
Genre	Dschääs, Bebop, Afro-Kubanische Dschääs
Beschäftigung	Musiker, Komponist
Instrument	Drumbeete, Klavier, Gsang
Aktiv	1935–1993
Label	Pablo, RCA Victor, Savoy, Verve
Het gspiilt mit	Ray Brown, Cab Calloway, Roy Eldridge, J. J. Johnson, James Moody, Chico O'Farrill, Charlie Parker, Bud Powell, Chano Pozo, Max Roach, Mickey Roker, Sonny Rollins, Lalo Schifrin, Sonny Stitt, William Oscar Smith

Dr John Birks "Dizzy" Gillespie (* 21. Oktober 1917 z Cheraw, South Carolina, † 6. Januar 1993 z Englewood, New Jersey) isch en amerikanische Dschääsdrumbeeter, Bändliider, Komponist und Sänger gsi.^[1]

Dr Scott Yanow vo Allmusic het gschriibe, ass d Biidrääg vom Dizzy Gillespie zum Dschääs riisig gsi sige, er sig äine vo de grösste Drumbeeter im Dschääs gsi und e son e komplexe Spiiler, ass sini Zitgenosse aagfange häige, anstatt iin dr Miles Davis and dr Fats Navarro noochzmache, und erst dr Jon Faddis häig in de 1970er Joor im Dizzy si Stiil mit Erfolg chönne widerbelääbe.^[2]

Dr Gillespie isch e Drumbeetewirtuos und Improvisator gsi, wo uf em Stiil vom Roy Eldridge ufbaut het^[3] aber nöiji Ebene vo harmonischer Komplexidäät, wie mä sä früener im Dschääs nid kennt het, drzue doo het. S Beret und d Hornbrülle, si Scat singe, si chrummi Drumbeete, sini Drumbeeterbacke und si liichthärzig Charakter si wääsemtlig gsi drfür, ass sich dr Bebop duregsetzt het.

In de 1940er isch dr Gillespie, zämme mit em Charlie Parker, e wichdigi Figur in dr Entwigglig vom Bebop und vom Modern Jazz worde.^[4] Er het e Hufe anderi Musiker beiiflusst under iine d Drumbeeter Miles Davis, Jon Faddis, Fats Navarro, Clifford Brown, Arturo Sandoval, Lee Morgan,^[5] Chuck Mangione.^[6] und dr Sänger Johnny Hartman^[7]

1. ↑ Watrous, Peter Dizzy Gillespie, Who Sounded Some of Modern Jazz's Earliest Notes, Dies at 75, The New York Times Obituary, January 7, 1993
2. ↑ Yanow, S. (2002) All Music Guide to Jazz. Backbeat Books.
3. ↑ Dizzy Gillespie, Al Fraser: To Be or Not to Bop: Memoirs of Dizzy Gillespie, Doubleday, Nöi York, 1979.
4. ↑ Palmer, Richer. "The Greatest Jazzman of Them All? The Recorded Work of Dizzy Gillespie: An Appraisal" Jazz Journal, January 2001, p. 8
5. ↑ jazz-music-history.com. jazz-music-history.com. Abgrüeft am October 20, 2010.
6. ↑ chuckmangione.com. chuckmangione.com. Abgrüeft am October 20, 2010.
7. ↑ http://johnnyhartmanbook.com/