Erweckungsbewegung

As Erweckigsbeweegige wärde Ströömige im Christedum bezäichnet, wo bsundrigs d Bekeerig vom Äinzelne und e daagdäägligi christligi Lääbeswiis bedoone. Gmäinchristligi oder konfessionelli Dogme si weniger wichdig as en ursprüngligs Verständnis vom Evangelium, wo diräkt us dr Bible chunnt. Erweckigsbeweegige göön drvoo us, ass e gläbts Christedum afoot, wenn dr Mensch uf e Ruef vom Evangelium loost, umzkeere und sich gäistig z ernöijere.

Dr Begriff chunnt vo Eph 5,14 LUT: „Wach auf, der du schläfst, und steh auf von den Toten, so wird dich Christus erleuchten.“ Wil nume dr Glaube ins ewige Lääbe füeri, sig d Existänz vom Unglöibige em ewige Dood gweiht. Sich zum Glaube aanewände bedütet also sich zum Lääbe aanewände bzw., in ere Analogii zur Uferstejig vo Christus, isch s en Erweckig vom Dood.