Back فرانز جيرتش ARZ Franz Gertsch German Franz Gertsch English Franz Gertsch Spanish Franz Gertsch Basque Franz Gertsch French Franz Gertsch Italian Franz Gertsch Dutch Герч, Франц Russian
Dr Franz Gertsch (* 8. Merz 1930 z Mörige im Kanton Bärn; † 21. Dezämber 2022 z Riggisbäärg) isch e Schwiizer Moler gsi.
Vo 1947 bis 1952 hed er sich ir Malschuel Max von Mühlenen u bim Hans Schwarzenbach z Bärn lo usbilde. 1971 hed er ds Eidgnössische Kunschdschdipendium bercho. 1972 hed er ar documenta 5 z Kassel mitgmachd; u 1978, 1999 u 2003 hed er ar Biennale z Venedig mitgmachd. 1997 hed er dr Kaiserring, dr Kunschdbriis vor Schdat Goslar bercho.
Im Herbschd 2002 hed z Burdlef s Museum Franz Gertsch ufgmachd, wo vom Ungernämer Willy Michel finanzierd worden isch.
2005 hei si mit dr erschde Franz-Gertsch-Retroschbektive n aagfange. D Uusschdelligsort si ds Museum Franz Gertsch u ds Bärner Kunschdmuseum gsii. Sid 2006 isch dr Gertsch Eerebürger vo sire Woongmeind Rüschegg gsi. Wäg sim 75. Geburtsdaag heds i verschidne Schdet Retroschbekdivene vo sim Wärch gäa.
2011 hed dr Gertsch dr Willy Reber-Kunschdbriis bercho.[1]
- ↑ Mäldig uf dr Website vom Schwiizer Färnseh.