Back Municipis del Cantó de Sankt Gallen Catalan Gemeinden des Kantons St. Gallen German Municipalities of the canton of St. Gallen English Communes du canton de Saint-Gall French Kawasan perbandaran di wilayah St. Gallen Malay Listă de localități din cantonul St. Gallen Romanian
De Kantoo Sanggale hät 77 politischi Gmainde (Stand Mitti 2015). Die Gmainde sind bis Endi 2002 i Bezirk zämmegfasst gsii. Ufgrund vo de neue Kantonsverfassig vom 10. Juni 2001 sind die 14 Bezirk dur 8 Waalchrais ersetzt worde. Die noie Waalchrais hend im Gegesatz zu de ehemolige Bezirk kenn Hoptort me. De Kantoo isch erst als Folg vo de Französische Revolutzioo entstande, drum het mer för s Woppe d Farbe Grüe und Wiiss vo de Revolutzioo gwäält und d Fascia (s Liktore- oder Ruetebündel), won au e Symbol vo de Revoluzzer gsii isch. Die föf Stäb stönd för die föf Landschafte, wo de Kantoo bildet:
Förschteland (Waalchrais: Rorschach, Sanggale, Wil, ooni d Gmainde, Floowil, Oberozwil, Ozwil, Jonschwil und Thal), Toggeborg (Waalchrais Toggeburg und d Gmainde Floowil, Oberozwil, Ozwil, Jonschwil), Rintl (Waalchrais: Rintl, Werdeberg und d Gmaind Thal), Sarganserland (Waalchrais: Sarganserland) und Lintebini (Waalchrais See-Gaster).