Back Selfdegeslaghuwelik Afrikaans زواج المثليين Arabic جواز نفس الجنس ARZ একে লিংগৰ বিবাহ Assamese Matrimoniu homosexual AST Eynicinsli evlilik Azerbaijani بیرجینسلی ائولیلیک AZB Kasal kan magkaparehong sekso BCL Аднаполы шлюб Byelorussian Еднополов брак Bulgarian
Di gliichgschlächtlich Ee, salopp au Homo-Ee gnännt, isch ä Ee, zivil oder religiös, wo beidi Partner s gliich Gschlächt händ. Wil die «gliichgschlächtlich Ee» ja nöd e bsunderi Ee isch, sondern die gliich für alli, redt me gärn und neutraler au vo de «Ee für alli» oder vo de «Öffnig vo de Ee».
S eerscht Land, wo d Ee au für di Homosexuelle legalisiert hät, isch Holland gsii, nämli im Jahr 2001. Sit 2025 gits 38 Länder, wo homosexuelli Paar chönd hürate: Andorra, Argentinie, Auschtralie, Belgie, Brasilie, Chile, Costa Rica, Dänemark, Düütschland, Ecuador, Eschtland,Finnland, Frankriich, Griecheland, Holland, Irland, Island, Kanada, Kolumbie, Kuba, Liechtestei, Luxeburg, Malta, Mexiko, Neuseeland, Norweege, Öschterriich, Portugal, Schwede, Schwiiz, Slowenie, Spanie, Südafrika, Taiwan, Thailand, s Vereinigt Königriich, diä Vereinigte Staate und Uruguay. Z Nepal müend d Zivilstandsämter gliichgschlächtlichi Paar luut Grichtsentscheid als Eepaar anerchäne, aber e Gsetzesgrundlag dadefür gits nanig.
Mit der Ee händ gliichgschlächtlichi Paar vil meh Rächt, wiä zum Biispiel s Rächt zum Adoptiere, s Rächt, ohni Eerbschaftsstüre dörfe eerbe, oder s Rächt, medizinischi Entscheidige z träffe. Umfrage zeiged, das allewiil meh Lüt di homosexuell Ee understützed, hauptsächli z Europa, z Auschtralie und z Amerika.
I andere Länder wie Italie gits anderi Rächtsinschtitut, wo di gliichgschlächtliche Paar anerchänned, wo aber i de Gliichberächtigung mit de heterosexuelle Ee weniger wiit gönd.