Good Morning, Vietnam

Good Morning, Vietnam isch e Spiilfilm vom Barry Levinson us em Joor 1987 über en amerikanische Radiomoderator z Saigon wääred em Vietnamchrieg. Der Film basiert uf dr Biografii vom AFN-Moderator Adrian Cronauer, wo Koautor vom Dräibuech gsi isch. Dr Cronauer wird vom Robin Williams daargstellt.

Anders as vili anderi Film über e Vietnamchrieg (Apocalypse Now, Platoon oder Full Metal Jacket) stoot in däm Film nit dr Chrieg sälber im Middelpunkt, sondern die amerikanische Soldate und die vietnamesisch Zivilbevölkerig im domoolige Saigon. In dere Komödie wäggsle witzigi Szeene sonigi ab, wo äim noochdänklig stimme. Uusestoot d Szene, wo Bombenexplosione und anderi Chriegshandlige, wo ooni dr Lärm zäigt wärde, vom Louis Armstrong sinere Ballade What a Wonderful World begläitet wärde. Dr Film brobiert z zäige, wie absurd dä Chrieg gsi isch und dr Chrieg im allgemäine.