Dr Hanery Amman (vo Geburt: Hanspeter Ammann; * 2. Novämber 1952 z Interlake; † 30. Dezämber 2017[1]) isch e Schwiizer Musiker gsi.
Är het ane 1971 d Mundartrock-Band Rumpelstilz ghulfe ggründe. Är het d Musig zu vilne Lieder vom Schwiizer Mundartrock komponiert. S bekantischte vo dene Lieder heisst Alperose. Das isch ane 2006 inere Akzioon vom Schwiizer Färnsee als dr «grööscht Schwiizer Hit» usgwäält worde.
Dr Hanery Amman het derno i Projäkt für Chinder mitgmacht, au bi der Höörspiilserii vom Jimmy Flitz.