Hawaii (Insel)

Hawaii
Hawaii aus dem Weltall
Gwässer	Pazifische Ozean
Inselgruppe	Hawaii
Geographische Lage	19° 34′ N, 155° 30′ W19.566666666667-155.54205Koordinate: 19° 34′ N, 155° 30′ W
Lengi	150 km
Flechi	10.432,5 km²
Hechschti Hebi	Mauna Kea 4.205 m
Iiwohner	173.000 (2007) 17 Einw./km²
Hauptort	Hilo
Topografii vo Hawaii

Hawaii (hawaiisch: Hawaiʻi, früener au Owyhee)^[1], au as Big Island bekannt, het e Flechi vo öbbe 10'430 km² und isch die grössti Insle im US-Bundesstaat Hawaii und in de Veräinigte Staate überhaupt.

2007 häi öbbe 173'000 Lüt^[2] uf Big Island gwoont. Die häi hauptsächlig vom Turismus gläbt, aber au vom Aabau vo Banane und Kaffi. Uf dr Parker Ranch wärde Rinder züchdet.

S Sümbol vo dr Insle isch d Blüete vom ene Baum, wo ʻŌhiʻa häisst. Das isch dr ersti Baum, wo uf nöije Lavafälder waggst, und er ghöört zu de Iisehölzer (Metrosideros). Dr Blüete sälber säit mä Lehua.

Uf em Gipfel vom Vulkan Mauna Kea isch s Mauna-Kea-Observatorium, äins vo de bedütendste astronomische Observatorie hützudags.

1. ↑ vgl. Hawaii (Insel) im Geographic Names Information System vom United States Geological Survey; Encyclopaedia Britannica; or A dictionary of arts, sciences, and miscellaneous literature, Band 8. Edinburgh 1824, S. 284; Jared Sparks: Leben des berühmten amerikanischen Reisenden John Ledyard. Leipzig, 1829, S. 124
2. ↑ http://hawaii.gov/dbedt/info/census/population-estimate