Jan Kleyna

Dr Jan Kleyna isch e britische Astronom.

Dr Kleyna, wo an dr Cambridge Universität schafft, isch zämme mit em Astronome-Team vum Scott S. Sheppard an dr Entdeckig vu ere Reihe vu Zwergmönd vu dr Planete Jupiter un Saturn bedeiligt gsi. D Untersuechig vo dere Region isch so detailliert gsi, ass mer dänkt, ass alli Mönd vum Saturn, wo im Durchmässer grösser wie 5 Kilometer sin, gfunde worre si sotte.^[1] Mit em Professor Gerry Gilmore, em Dr Mark Wilkinson, un em Dr Wyn Evans het er die sältene chugelförmige Zwerggalaxie studiert.^[2] D Resultat vo sällere Studie hän si bi dr 25th Generalversammlig vo dr Internationale Astronomische Union z Sydney z Australie anno 2003 veröffentligt. Mer hofft, ass es würd erchläre, wie grossi Galaxie wie d'Milchstrooss entstande seie.

1. ↑ Robert Naeye, "12 New Saturnian Moons" in Sky and Telescope, 5. Mai 2005
2. ↑ Jan T. Kleyna, Mark I. Wilkinson, N. Wyn Evans, un Gerard Gilmore, "First Clear Signature of an Extended Dark Matter Halo in the Draco Dwarf Spheroidal" in The Astrophysical Journal Letters, 563:L115–L118, 2001 December 20