Jordan Bardella

Dr Jordan Bardella [ʒɔʁdan baʁdɛla](info) (* 13. Septamber 1995 z’ Drancy, Département Seine-Saint-Denis) ìsch a frànzeescher Politiker vu dr Pàrtäi Rassemblement National (RN).

Dr Bardella schtàmmt vun’ra itàlianisch-àlgeerischa Fàmìlia.^[1][2] Ànna 2012 ìsch’r Mìtglììd vum Front National (em hìttiga RN) worra.^[3][4] Ànna 2015 ìsch’r pàrlàmäntààrischer Mìtàrwaiter vum FN-Àbgoordneta Jean-François Jalkh worra.^[5] Vu 2017 bis 2019 ìsch’r Wortfiahrer vu dr Pàrtäi gsìì. Ànna 2018 ìsch’r Mìtglììd ìm Nàzionààlvorschtànd vu dr Pàrtäi worra, un vu 2018 bis 2021 hàt’r Génération Nation, d’ Jugendbeweegung vum Rassemblement National, glaita. Üsserdam ìsch’r zitter 2015 Regionààlroot vu dr Île-de-France.

Bii dr Öiropàwàhl vu 2019 ìsch’r mìt 23 Joohra Schpìtzakàndidààt vum RN gsìì.^[6] Doo hàt d’ Pàrtäi d’ maischta Sìtza-n-ìm Öiropäischa Pàrlàmant gwunna. Kurz noh dr Wàhl ìsch dr Bardella zwaiter schtällvertrattander Vorsìtzender vu dr Pàrtäi worra. Ànna 2021 ìsch’r RN-Schpìtzakàndidààt gsìì ìn dr Île-de-France; d’ RN-Lischta hàt àwwer d’ Wàhl nìt gwunna. Ìm saalwa Joohr hàt’na d’ Marine Le Pen àls äärschter schtällvertrattander Vorsìtzender ärnännt. Wahrend dr Presidantschàftswàhl vu 2022, wu d’ Le Pen mìtgmàcht hàt, ìsch dr Bardella vorlaifiger Vorsìtzender vu dr Pàrtäi worra. Biim RN-Kongrass àm 5. Nowamber 2022 ìsch’r mìt 27 Joohra mìt äbba 85 Prozant vu da Schtìmma àls Vorsìtzender vum Rassemblement National gwählt worra — doo hàt’r dr Louis Aliot gschlààga.^[7][8]

Zitter 2020 ìsch dr Bardella ìn’ra Beziihung mìt dr Nolwenn Olivier, dr Tochter vu dr Marie-Caroline Le Pen un vum RN-Politiker Philippe Olivier. Sa ìsch a Ankelkìnd vum Jean-Marie Le Pen un a Niässla vu dr Marine Le Pen.^[9][10]

1. ↑ Jean-Louis Beaucarnot: Le Tout-Politique 2022. Hrsg.: L’Archipel. 2022, S. 47 (französisch). 
2. ↑ Valérie Hacot: Jordan Bardella, le rajeunissement national. In: Le Parisien. 25. September 2018, archiviert vom Original am 2. Februar 2023; abgruefen am 27. Juli 2023 (französisch). 
3. ↑ Sophie Aschenbrenner: Das ist: der Posterboy der französischen Rechten. In: jetzt.de. 18. April 2019, archiviert vom Original am 30. Mai 2023; abgruefen am 27. Juli 2023. 
4. ↑ Eve Szeftel: Régionales: Jordan Bardella, jeune candidat FN, mène campagne en Seine-Saint-Denis. In: Le Point. 2. Dezember 2015, abgruefen am 27. Juli 2023 (französisch). 
5. ↑ Laurent Fargues: Le passé secret d'assistant parlementaire de Jordan Bardella. In: Challenges. 18. April 2019, archiviert vom Original am 6. Juni 2023; abgruefen am 27. Juli 2023 (französisch). 
6. ↑ zamma mìt dr AFP: Élections européennes : Jordan Bardella, 23 ans, sera la tête de liste du RN. In: Sud-Ouest. 7. Januar 2019, archiviert vom Original am 27. Juli 2023; abgruefen am 27. Juli 2023 (französisch). 
7. ↑ Nachfolger von Marine Le Pen. Frankreichs Rechtspopulisten wählen Bardella zum neuen Parteichef. In: Der Spiegel. 5. November 2022, archiviert vom Original am 22. November 2022; abgruefen am 27. Juli 2023. 
8. ↑ Rassemblement National. Die Ära Le Pen geht zu Ende. Ihr Kronprinz übernimmt ihre Partei. In: Stern. Archiviert vom Original am 15. Juli 2023; abgruefen am 27. Juli 2023. 
9. ↑ Jordan Bardella en couple avec l’une des petites-filles de Jean-Marie Le Pen. In: Paris Match. 16. Oktober 2020, archiviert vom Original am 2. Januar 2023; abgruefen am 27. Juli 2023 (französisch). 
10. ↑ Michaela Wiegel: Der Wille zur Macht. In: Frankfurter Allgemeine Sonntagszeitung, 11. Juli 2021, S. 7.