Las (Lakonien)

Las (altgriech. ὁ Λᾶς, Lās m.; ἡ Λᾶ, Lā f.; bim Homer: Λάας, Lăas m.) isch en antiiki Periökestadt und e wichtige Hafe vo Sparta gsii, wo spööter zo de Eleutherolakone ghört hett. De Name vo de Stadt bidüttet nochem Stephan vo Byzanz „Fels“,^[1] isch aso en Ablaitig vom griechische Wort láas m. (λᾶας) „Stai, Fels“. D Iiwooner wered Laer (agr. Λᾶοι, Lāoi m.Pl.) gnennt. Am Ort vo de antiike Akropolis isch im Mittelaalter d Festi Passava gstande.

1. ↑ Stephan von Byzanz, sub Λᾶ